HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 46 2174 HİLÂL-İ AHMER HAVÂDİSİ Bayram Tebrîği Mütekarribü'l-hulûl 1343 [1925] senesi îd-i saʻîd-i adhâsı münâsebetiyle mecmûʻamız bütün kâriîn ve kâriâta ve bilhâssa İslâm kardeşlerimize arz-ı tebrîkât eder ve mesʻûd ve hayırlı birçok bay- ramlar daha idrâk etmelerini eltâf-ı ilâhiyeden duʻâ eyleriz. _______________ Sıtma Mücâdelesinde Tayyârelerden İstifâde Son zamânlarda sıtma mücâdelesinde tayyârelerden istifâde etmek mesʼelesi ehemmiyetli bir şekil almışdır. Birkaç sene evvel tarladaki pamuklara ârız olan kurdları imhâ için tayyârelerden zehir- li mâddeleri püskürtmek sûretiyle pek çok istifâdeler elde edilmiş idi. Bu kere Amerika'nın merzagî havâlîsinde ve bilhâssa Mississippi mecrâsında Doktor King ve Code'un riyâsetlerindeki 82 kişilik bir heyʼet-i fenniye tarafından yapılan tecrübeler pek büyük muvaffakiyet göstermişdir. Tayyârelere alınan arsenikiyetî-i kils milhi sıtmalı menâtıkda anofellerin yumurtlama mahalleri olan bataklık ve sazlıklara yukarıdan aşağıya bulut tarzında ve husûsî eczihesi vesâtatıyla püskürtü- lerek gerek yumurta ve gerekse sürfelerin mahv olduğu anlaşılmışdır. Vâsiʻ ülkemizde pek münteşir ve mütevessiʻ olan bataklıklarda fennin bu son muʻcizesinden istifâde edileceğini tabîʻî buluyoruz. _______________ İskenderabad Nizâmı'nın Teberruʻu Bombay'da münteşir Bombay Chronicle nâm gazeteye İskenderabad'dan keşîde edilen bir telg- rafnâmede İskenderabad Nizâmı tarafından Türkiye Hilâl-i Ahmeri Heyʼeti'ne 3.500 İngiliz lirası muʻâdili olan 50 bin rupye teberruʻ edildiği bildiriliyor. Nizâm hazretlerinin pek âlî-cenâbâne olan işbu teberruʻ-ı mühimmine sûret-i mahsûsada arz-ı teşekkürât eyleriz. _______________ Hacı Ümmet Efendi Atikalipaşa'da Zincirlikuyu'da beş numaralı hânede sâkin Taşkendli Hacı Ümmet Efendi is- minde muhterem bir zât merkez-i umûmîmize mürâcaʻat ederek birikdirdiği kırk Türk altın lirasını cemʻiyetimize teberruʻ etmişdir. Hacı Ümmet Efendi, bu parayı hasta iken iʻâde-i âfiyet etdiği takdîrde bir hayır ve şefkat mü- essesesine vermek üzere nezr etdiğini ve kesb-i âfiyet eder etmez ilk işinin en ziyâde hayır işleriyle uğraşan Hilâl-i Ahmer'imize şitâbân olduğunu söylemişdir.