HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 46 2184 Rockefeller Müessesesi 14 Mayıs 1913'de teşekkül etmişdir. Rockefeller ibtidâ 100.000.000 dolar vermiş ve hükûmet bu işe zahîr olmuşdur. Bilâhare on sene zarfında ayrıca 182 milyon dolar iʻtâ etmişdir ve 15.600.000 dolar da fâiz almakdadır. *** Amerika'nın kısm-ı cenûbîsinde 1910 târîhinde ankilostom denilen dûd-ı miʻâîye karşı mücâde- le yapan Rockefeller Sıhhî Komisyonu, Rockefeller Müessesesi teşekkül etdikden sonra Beynelmilel Sıhhî Komisyon hâlini almış ve devâm etmekde bulunmuşdur. 1914'de Çin'de tıbbî bir büyük müessese teʼsîs etmiş ve 1919'da da tedrîsât-ı tıbbiye şuʻbesini açmışdır. Bu şuʻbe muhtelif 60 memleketde hü[k]ûmetin müessesâtı ile anlaşarak hıfzıssıhha-i ictimâʻî ve tıbbî tedrîsât husûsunda muʻâvenetde bulunmuş ve tıb dârülfünûn tedrîsâtının asrîleşmesini ve terakkîsini mûcib olmuşdur. Harb-i Umûmî esnâsında müessese 22 milyon dolar muʻâvenetde bulunarak malaryadan ta- haffuz maksadıyla 43 muhtelif menâtıkda, bilhâssa ordu karârgâhları civârında 15 hükûmete yardım etmişdir. Londra'da Britanya Müzesi ittisâlinde yeniden bir hıfzıssıhha mektebi açarak 2 milyon dolar sarf etmişdir. [390] HİLÂL-İ AHMER SEMT TEŞKÎLÂTI Hilâl-i Ahmer'e Vâridât Teʼmîni Mesʼelesi (45'inci numaradan mâbaʻd) Sarıyer, Halil Onbaşı âilesi 5 Sarıyer, Hüseyin Onbaşı âilesi 5 Sarıyer, Tahsîldâr Ahmed Efendi 5 Sarıyer, Maden Mahallesi Karakolu'nda müstahdem Polis Meʼmûru Bekir Efendi 10 Sarıyer, Kocataş Câddesi'nde Arnavud Zeynel Efendi 20 Büyükada Cemʻ-i İʻânât Heyʼeti Mâh be-mâh taʻahhüdâtda bulunan zevâtın müfredâtı Adalar Kâimmakâmı Fazlı Bey 100 Kartal ve Ada Sulh Mahkemesi, Başkâtib Kâşif Bey 20 Kartal Zabıt Kâtibi İbrahim Bey 10 Adalar Kazâsı Sandık Emîni Ali Hayri Bey 10 Adalar Sulh Hâkimi Nazmi Bey 50