HİLÂL-İ AHMER MECMÛʻALARI / CİLT 5

Türkiye Hılâl-ı Ahmer Mecmû‘ası Sayı 47 2221 Şişli Hastahânesi'nde mevzûʻ kutu muhteviyâtından 2.184 Halil Sadeddin Efendi'den 1.000 Mısırlı Ahmed Midhat Abbas Yeğin Beyefendi'den 50.000 Hıfzıssıhha Müzesi'ne mevzûʻ kutu hâsılâtı 326,50 Milano'da Harun Çelebi Çeres Efendi 308 Berlin'de Türk Talebe Cemʻiyeti tarafından 27.850 Filibe sancağına tâbiʻ Karlova kazâsı Rahmetli karyesi müslümân ahâlîsinden 14.917 Türkistan-ı Çinî Müslümânlarından Bahadır Efendi'den 20.000 Kalas'da Kösezâde Ali Efendi 2.500 Joreit Seyâhat Müessesesi tarafından 400 [413] Tashîh.- Mecmûʻamızın 44'üncü numarasının 330'uncu sahîfesinde, Hindistan'daki heyʼetimizin Bom- bay'da çıkan Bombay Chronicle gazetesine sebk eden beyânâtından bâʻis küçük bir makâlede bir hesâb hatâsı vâkiʻ olmuşdur. Beyânât-ı mezkûreden: "-Hükûmet muhâcirler için altmış bin lira tahsîs ve Hilâl-i Ahmer en ziyâde muhtâc olanlara kendi parasından on bin liradan fazla nakden ve on beş bin lira kıymetinde olan battâniye, çamaşır, elbise vesâire aynen tevzîʻ etmişdir" cümlesindeki altmış bin rakamının altı milyon, on bin rakamının bir milyon ve on beş bin rakamının bir buçuk milyon olarak gösterilmesiyle maʻa'l-iʻtizâr tashîh-i keyfiyet olunur. [Düzeltilmiştir.] _______________ SALÎB-İ AHMERLER HAVÂDİSİ İsveç İsveç Salîb-i Ahmer Merkez-i Umûmîsi, sıhhiye tayyâre sâhasında geçen sene yapdığı tecrübe- lerden hâsıl olan netâyici esâs ittihâz ederek tayyâre ile hasta taşımak için hükûmete bir lâyiha takdîm etmişdir. Tayyâre ile hasta nakliyâtı için İsveç Salîb-i Ahmeri'ne vukûʻ bulan mürâcaʻatlar her gün tezâ- yüd etmekdedir. Bir hesâb-ı vasatîye nazaran tayyârenin bir sâʻatde katʻ etdiği mesâfeyi otomobil beş sâʻatde ve kızak on sekiz sâʻatde katʻ eylemekdedir. Belçika Belçika Salîb-i Ahmer Cemʻiyeti reîsi aʻyândan ve Brüksel Dârülfünûnu müderrislerinden Doktor Antoine Depage, 10 Haziran'da altmış üç yaşında olduğu hâlde dördüncü defa yapılan bir ameliye-i cerrâhiye netîcesinde vefât etmişdir. İlmen dahi yüksek bir mevkiʻ sâhibi olan Doktor Depage'ın vefâtıyla Belçika Salîb-i Ahmeri en kıymetdâr bir uzvundan mahrûm olmuş bulunuyor. Bi'l-cümle Salîb-i Ahmer âilelerini ve bu meyânda Hilâl-i Ahmer'i de hissedâr eden bu vefât münâsebetiyle Belçika Salîb-i Ahmeri'ne hissiyât-ı taʻziyetkârânemizi takdîm ederiz. _______________