HİLÂL-İ AHMER MECMÛʻALARI / CİLT 5

Türkiye Hılâl-ı Ahmer Mecmû‘ası Sayı 47 2223 İspanya Meşhûr Radyolog Doktor Piga'nın Madrid'deki İspanya Salîb-i Ahmer Merkez Hastahânesi'nde "Seretâna Karşı Mücâdele-i Milliye" mevzûʻu üzerine verdiği konferanslar henüz hitâm bulmamışdır. Japonya Tokyo Belediye İstatistik Şuʻbesi 1923 Eylül'ünde Japonya'da vukûʻa gelen zelzelenin mûcib olduğu hasârât yekûnunu 5.500.000.000 yen olarak kaydediyor. Bunun yüzde altmış altısı Tokyo'ya ve mütebâkîsi Yokohoma ile diğer kazâlara isâbet etmekdedir. Zelzeleden ölenlerle mecrûh olanların mikdârı 156.693'dür. Mikdâr-ı mezkûr Japon-Rus Muhârebesi'ndeki insân zâyiʻâtına yakındır. Kanada Ka[na]da'nın merkez-i idâresi olan Montreal şehrinde mukîm bazı zevât-ı maʻrûfe hıfzıssıhha sâhasında halkın dikkat ve merâkını tahrîk maksadıyla bir Hıfzıssıhha Ligi teşkîl etmişlerdir. Teşkîlât masârıfına medâr olmak üzere Lord Atolstan 100.000 dolar teberruʻ etmişdir. Ligin kabûl etdiği program ber-vech-i âtîdir: [415] § Matbûʻât vâsıtasıyla hıfzıssıhha sâhasında halk terbiyesi § Kadınlar için âile hıfzıssıhha dersleri § Hıfzıssıhha tedrîsâtı Romanya Romanya Salîb-i Ahmer Cemʻiyeti Reîsi Mösyö Alexandre Marghiloman 9 Mayıs'da vefât et- mişdir. Hilâl-i Ahmer Merkez-i Umûmîsi, Romanya Salîb-i Ahmer Cemʻiyeti'yle müteveffânın âilesine arz-ı taʻziyete müsâraʻat eyler. İsviçre Cenevre Samaritenler Cemʻiyeti, İsviçre Salîb-i Ahmer Cemʻiyeti'ne karşı taʻahhüdât-ı mâliye- sini îfâ edemediğinden dolayı mezkûr cemʻiyetden irtibâtını katʻ etmişdir. _______________ İsviçre Salîb-i Ahmer Cemʻiyeti'nin 56 şuʻbesi ve 71.636 aʻzâsı vardır. Aʻzâ adedi sinîn-i sâbıkaya nisbetle 8.000 noksândır. _______________ GENÇLİK SALÎB-İ AHMERİ Estonya Estonya Salîb-i Ahmeri Maʻârif Nezâreti'nin inzimâm-ı muʻâvenetiyle kazâ vukûʻunda yapıla- cak ilk muʻâvenete dâir dersler tertîb etmişdir. Mekteb talebesine tahsîs edilen bu derslere yirmi dokuz mektebin birçok erkek ve kız talebesi iştirâk etmiş ve şimdiye kadar 60 talebeye şehâdetnâme verilmişdir.