HİLÂL-İ AHMER MECMÛʻALARI / CİLT 5

Türkiye Hılâl-ı Ahmer Mecmû‘ası Sayı 47 2225 İtalya İtalyanca Ayda bir defa intişâr eder. Letonya Letonca Ayda bir defa intişâr eder. Litvanya Litvanyaca Ayda bir defa intişâr eder. Yeni Zelanda İngilizce Ayda bir defa intişâr eder. Lehistan Lehçe Ayda bir defa intişâr eder. Romanya Romanya lisânıyla Ayda bir defa intişâr eder. Sırp-Hırvat-Slav Bu üç lisân ile Ayda bir defa intişâr eder. Siyam Siyamca Ayda bir defa intişâr eder. İsveç İsveç lisânıyla Ayda bir defa intişâr eder. Çekoslovakya Çek-Slav lisânıyla Ayda bir defa intişâr eder. Kanada Kanada Gençlik Salîb-i Ahmeri'ne dâir neşredilen rapordan âtîdeki maʻlûmâtı iktibâs ediyoruz: Gençlik Salîb-i Ahmer şuʻbelerinin adedi 912 Gençlik Salîb-i Ahmer aʻzâsının adedi 28.121 Gençlik Salîb-i Ahmer şuʻbelerini idâre eden muʻallimler 912 Gençlik Salîb-i Ahmeri'nden muʻâvenet gören etfâl-i maʻlûle 562 İşbu etfâl-i maʻlûle için vukûʻ bulan masârıf 8.302,07 Hilâl-i Ahmer İstanbul Fukarâ Muʻâyenehâneleri Geçen Haziran zarfında Hilâl-i Ahmer İstanbul Fukarâ Dispanserlerine mürâcaʻat eden hastalar: Cağaloğlu Dispanseri'ne 1.124 Fatih Dispanseri'ne 863 Üsküdar Dispanseri'ne 799 2.786 [MUKTEBESÂT] Hilâl-i Ahmer'e Yardım Ediniz! Yıllardan beri maʻrûz kaldığı siyâsî ve ictimâʻî felâketlere inzimâmen frengi, verem, sıtma gibi mühlik ve bî-amân düşmanlarla çarpışan Türkiye, her gün biraz daha yıpranmakla kalmayıp telâfîsi gayr-ı kâbil zararlara dûçâr olduğu eseflerle görülmekdedir. Fakat ne garîbdir ki, ufak bir maraz-ı sârînin zuhûru veya âdî bir vukûʻâtın hudûsuyla telef olan beş-on kişinin hayâtı için derhâl tedâbîre tevessül edilerek imdâda koşulur, müsebbibler aranır, gazete ve mecmûʻalara günlerce sermâye-i makâl teşkîl eder de ırkımızı müstevlî hastalıklardan daha ziyâde kemiren bu hastalıklar her sene yüz binlerce insân öldürüp on binlerce âileyi perîşân etdiği hâlde hiçbir tarafdan ne bir heyecân ne de bir hareket görülmez ve görülse bile ya mevziʻî bir hâl kesb ederek yerinde sayar veyâhûd da vâkiʻ olan teşebbüsler doğmadan ölür. Çünkü halk her muʻâveneti hükûmetden ve her icrââtı devletden beklemeğe alışmış ve memleketin parasıyla zengin olan eşrâf ve ağniyâyı aslâ alâkadâr tanımamış ve hattâ senelerden beri memleket için çalışan ve halk için çırpınan Hilâl-i Ahmer ve Himâye-i Etfâl gibi hayırlı cemʻiyetleri dahi benimsemekden sarf-ı nazar, takdîr bile edememişlerdir.