HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 48 2306 Hüseyin Bedreddin Bey (Kocaeli): "-Efendim, okunulan mâddeler elimizdeki nüshalarda yok- dur. Taʻkîbi mümkün olmuyor. Esâsen selâmet-i fikir de kalmamışdır. Tabʻ edilse de gelecek ictimâʻ- da müzâkere olunsa bilmem heyʼet-i aliyye tensîb eder mi?" Süheyl Bey (Kütahya): "-Mevâdd-ı mütebâkiye şapirografla teksîr olunsa daha muvâfıkdır". (Muvâfık sesleri) Reîs: "-Şu hâlde tabʻ edilerek mevâdd-ı mütebâkiyenin müzâkeresine … günü devâm olunmak üzere celseyi taʻtîl ediyorum. Sâʻat 6. (Mâbaʻdi gelecek nüshada) HİLÂL-İ AHMER MECLİS-İ UMÛMÎ HEYʼET-İ İDÂRE RAPORU 1341 [1925] Senesi Meclis-i Umûmîsi Riyâset-i Muhteremesi'ne İntihâbınızla mübâhî idâre encümeni, tedkîkâtının muhassılası olan mütâlaʻâtını heyʼet-i muh- teremenize arza başlamadan evvel, bilhâssa Harb-i Umûmî'den beri faʻâliyet sâhası pek genişlemiş olan Hilâl-i Ahmer Cemʻiyeti'nin iki senelik muʻâmelâtını lâyıkıyla teftîş etmek vazîfesindeki müş- kilâtın ve ehemmiyetin verilen müddetle maʻkûsen mütenâsib olduğunu ve teʼsîsât ve icrââtdan bir- çoğunun zamân u mekân iʻtibârıyla müşâhede ve taʻmîkı imkânsızlığı karşısında bunları kuyûd ve evrâk üzerinde tedkîk ile verilecek hükümlerin ancak nisbî kıymeti hâiz olacağını hâtırlatmağa lüzûm görmekdedir. Yeni nizâmnâme-i esâsî taʻdîlinde teşkîli tensîb ve takrîr olunan tedkîk heyʼeti cemʻiyetin bütün faʻâliyet müddeti esnâsında murâkabesine devâm imkânını bulacağı cihetle daha esâslı tedkîkât yapa- bilecekdir. Bu iʻtibârla cemʻiyetin teşkîlât-ı dâhiliyesine taʻalluk eden bu taʻdîlin [64] tasdîk vesâire gibi teʼhîre sebeb olacak mâniʻaları bir tarafa bırakarak hemen tatbîkini ve nizâmnâme-i esâsîde mâd- de-i mahsûsası kesb-i katʻiyet etdiği için hiç olmazsa meclis-i umûmîde müzâkere edilip zabıtlara geçerek vazîfesinin alelâde bir hesâb müfettişi vazîfesinden çok şâmil ve mühim olduğunun tasrîhini fâideli görmekdeyiz. Ancak bu sâyede önümüzdeki Mart ictimâʻına kadar esâslı bir tedkîk icrâsı ve ona göre meclis-i umûmîce ahvâle hakîkî bir ıttılâʻ husûlü mümkün olur. Encümenimiz imkân ve istitâʻat dâiresinde vazîfesini îfâ etmek için işleri aʻzâları arasında tak- sîm ve mesâʻî usûlünü şu sûretle tesbît etmişdir: 1-Geçen meclis-i umûmîce verilen karârların nasıl icrâ ve tatbîk olunduğunu tahkîk 2-Hilâl-i Ahmer'in İstanbul'daki müesseselerini teftîş 3-Merkez-i umûmî ve heyʼet-i idâre mukarrerâtını ve raporda mevzûʻ-ı bahis olan bütün faʻâ- liyetleri tedkîk 4-Meclis-i umûmî riyâsetinden havâle edilen takrîr ile sâir şikâyet ve ihbârların mevzûʻu olan mesʼeleleri taʻmîk İdâre encümeni, karârların tatbîki bahsine geçmeden evvel merkez-i umûmî raporunun mukad- dimesinde meclis-i umûmînin ictimâʻa daʻvetinde vâkiʻ olan teehhurdan dolayı serd olunan iʻtizâra