HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 48 2319 hâlde uzun müddet fâizsiz bırakılmasını ve ancak şimdi bu husûsda bir teklîf yapılmasını doğru bul- muyoruz. [78] Heyʼet-i muhteremenizce hemen bu husûsda karâr verilerek bir an evvel bu sermâyenin müsmir bir hâle getirilmesini ricâ ederiz. Beynelmilel Salîb-i Ahmer Komitesi ve Salîb-i Ahmerler Birliği Hilâl-i Ahmer'i temsîl eden murahhasımıza verilen veche dâiresinde ittihâz etdiği hatt-ı hareketi tamâmen tasvîb ile bundan sonra da Beynelmilel Salîb-i Ahmer Komitesi'ne muzâhir bir vazʻiyet alınması lüzûmuna kâil bulunduğumuzu arz ederiz. _______________ Burada maʻrûzâtımız bitiyor. Tekrâr ederiz ki, bu kadar az zamân içinde esâslı tedkîkât yapmak imkânsız ve binâenaleyh vazîfemizi tamâmen îfâda aczimiz âşikârdır. Biz imkânın ve iktidârımızın müsâʻadesi nisbetinde çalışdık ve haberdâr olduğumuz hiçbir şeyi ihmâl etmediğimiz gibi tedkîkâtı- mızda da bî-taraf davrandık. Yapdığımız muâhazelere rağmen raporda da zikrolunduğu üzere, senelerden beri mütevâlî bir silsile-i mesâʻînin iltilzâm etdiği masârıf-ı azîme teʼmîn ve îfâ edildikden sonra 1341 [1925] senesine 689.782 lira nakid, 50.239 lira kıymetli eşyâ ve tahvîlât, 112.775 lira kıymetinde gayr-ı menkûl emvâl ve 1.142.724 lira kıymetinde eşyâ ve levâzıma mâlik zengin bir müessese hâlinde dâhil olan ve bu iki sene zarfında pek büyük hizmetler îfâ eden cemʻiyetin mesâʻî ve icrâʻâtının heyʼet-i umûmiyesi hakkında fikrimiz sorulursa cevâbımız takdîr ve teşekkürden ve istihlâf edecek heyʼetler için aynı muvaffakiyetleri temennîden ibâretdir. İdâre Encümeni _______________ MECLİS-İ UMÛMÎ MÂLİYE ENCÜMENİ RAPORU Hilâl-i Ahmer [1]341 [1925] Senesi Meclis-i Umûmîsi Riyâset-i Celîlesi'ne Hilâl-i Ahmer'in [1]339 [1923] ve [1]340 [1924] seneleri muʻâmelât-ı mâliyesini murâkabe ve tedkîk etmek üzere heyʼet-i muhteremelerince intihâb edilmiş olan encümenimiz mazhar olduğu teveccüh ve iʻtimâddan dolayı teşekkür ederek mesâʻîsinin netâyicini ber-vech-i âtî arz eyler: 1-Muʻâmelât-ı Mâliye: Bu iki sene zarfında Hilâl-i Ahmerce alelâde ve fevkalâde büdcelerden vukûʻ bulan sarfiyât yekûnu 3.115.548 liradan ibâret olup bunun 554.481 lirası mübâdele-i ahâlî esnâsında cemʻiyete teveccüh eden vezâif-i sıhhiye ve imdâdiyeye tahsîs olunmuşdur. Bu yekûnden cemʻiyetin mâliyet fî-i vasatîsiyle yapılan hesâba nazaran 265.887 lirası Mübâdele Vekâleti'ne doğru- dan doğruya veya aynı maksadla cemʻiyet müessesâtı vâsıtasıyla anbârlar mevcûdundan mübâdillere iʻtâ edilen eşyâ ve malzeme ve erzâk ve eczânın kıymet-i umûmiyesi ve 288.594 lirası da vezâif-i sıh-