HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 49 2443 SALÎB-İ AHMERLER HAVÂDİSİ İtalya İkinci üç senelik müddet-i riyâsetini ikmâl etmiş olan İtalya Salîb-i Ahmer Cemʻiyeti Reîsi aʻyândan Sinyör Ciraolo, Reîs-i Vükelâ Mösyö Mussolini'ye istiʻfânâmesini takdîm etmişdir. Sinyör Ciraolo baʻd-ezîn tekmîl zamânını kendi ismini taşıyan meşhûr projesinin mevkiʻ-i tat- bîkine vazʻını teʼmîne çalışacakdır. İtalya Salîb-i Ahmer Riyâseti'ne Marquis Eskute intihâb edilmişdir. _______________ [192] Almanya Alman Salîb-i Ahmer Merkez-i Umûmîsi ictimâʻ-ı ahîrinde Gençlik Salîb-i Ahmer Teşkîlât projesini kabûl ve tasdîk etmişdir. Fransa Mecrûhîn-i askeriyeye Fransız Muʻâvenet Cemʻiyeti nâmını taşıyan Fransız Salîb-i Ahmeri Fas muhârebâtı için açdığı defter-i iʻânenin 17 Ağustos'da kapanan birinci listesi 1 milyon 253.286 frank 0,05 santime bâliğ olmuşdur. İsveç İsveç Salîb-i Ahmeri'nin senelik raporundan âtîdeki maʻlûmâtı iktibâs ediyoruz: 495'den ibâret olan İsveç Salîb-i Ahmer merâkiz ve şuʻabâtı 1924 senesinde 502'ye bâliğ ol- muşdur. Ancak, aʻzâ mikdârında 3.000 kadar bir noksân tahakkuk etmekdedir. Geçen 31 Kânûn-ı Evvel'de cemʻiyetin nakid mevcûdu 10.000.000 krondur. (Tahmînen 50 mil- yon Fransız frangı) Mevcûd 15 küçük hastahâneye bu sonbahârda iki hastahâne daha ilâve edilecekdir. Hitâm bulan sene içinde yeniden birçok dârületfâl, nekâhethâne, taʻtîl kolonileri teʼsîs edilmişdir. Köyler arasında hasta nakli teʼsîsâtına son derece ehemmiyet verilmiş olduğundan otomobil ambülanslar ve sedyeler mübâyaʻa edilmek üzere halkdan iʻâne toplanmışdır. Beynelmilel On İkinci Salîb-i Ahmer Konferansı On İkinci Beynelmilal Salîb-i Ahmer Cemʻiyetleri Konferansı 7 Teşrîn-i Evvel 1925 târîhinde ictimâʻa daʻvet edilmişdir. Bu konferansa Hilâl-i Ahmer Cemʻiyeti nâmına merkez-i umûmî aʻzâsından Hâriciye Müs- teşârı Tevfik Kâmil Beyefendi murahhas intihâb edilmişdir. Konferans için Beynelmilel Cenev- re Merkez Komitesi'nden Cenevre Mukâvelenâmesi'ni imzâ eden devletlere ayrıca daʻvetnâmeler gönderilmişdir.