HİLÂL-İ AHMER MECMÛʻALARI / CİLT 5

Türkiye Hilâl-i Ahmer Mecmû‘ası Sayı 42 1969 [242] SALÎB-İ AHMERLER HAVÂDİSİ Japonya Japonya Gençlik Salîb-i Ahmeri'ne sinleri on ile on dört arasında 220.000 etfâl mukayyeddir. _______________ Gençlik Salîb-i Ahmerleri Polonya Vilno'da Gençlik Salîb-i Ahmeri için tefrîk edilen oyun mahallinde geçen yaz hıfzıssıhha tat- bîkâtı ve terbiye-i bedeniye tecrübeleri yapılmış ve etıbbâ ile müderrisînin verdikleri konferansları Lehli muʻallimler büyük bir alâka ile taʻkîb etmişdir. Lehistan'ın merâkiz-i faʻâlesinden Chelm şehrinde iki yüz kadar dârülmuʻallimât tâlibâtının teşkîl etdiği Gençlik Salîb-i Ahmeri âtîdeki programı kabûl ve taʻkîb etmekdedir: Hıfzıssıhha, muʻâvenet-i mütekâbile, mekâtibât, cemʻ-i iʻâne, tedkîk-i tabîʻat, tıbbî nebâtât, mezârların bâkîsi. Lehistan Gençlik Salîb-i Ahmer Mecmûʻası 'nın Varşova'da Sağır-Dilsizler Müessesesi'nde tabʻ edilmesi şâyân-ı kayıddır. _______________ Yeni Zeland[a] Gençlik Salîb-iAhmeri'nin taʻkîb etdiği maksad ve gâyeyi ve teşkîlât ve inkişâfına âid maʻlûmâtı hâvî Yeni Zeland[a] Gençlik Salîb-i Ahmeri'nin neşretdiği bir propaganda risâlesini Maʻârif Nezâreti takdîren mevcûd mekâtibe tevzîʻ etdirmişdir. Detroit Hilâl-i Ahmer Cemʻ-i İʻâne Heyʼeti İʻâne Listesi Cemʻiyetimiz merkez-i umûmîsi Detroit Hilâl-i Ahmer Cemʻ-i İʻâne Heyʼeti vâsıtasıyla seksen yedi dolar iʻâne iʻtâ buyuran ber-vech-i âtî zevâta beyân-ı teşekkürât eyler. Teberruʻda bulunan efendilerin iʻâne listesi: Memleketi - Esâmî Dolar- Sent Erzurum vilâyeti Kiğı kazâsı Kadıköy karyesi, Allahverdi oğlu Hamdi Efendi 20 Erzurum vilâyeti Kiğı kazâsı Kadıköy karyesi, Hasan oğlu Halil Efendi 15 Erzurum vilâyeti Kiğı kazâsı Kadıköy karyesi, Yusuf oğlu Mehmed Efendi 10 Erzurum vilâyeti Kiğı kazâsı Kadıköy karyesi dâhilinden Koca Mustafa oğlu Ahmed Efendi 10