HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 61 2995 SALÎB-İ AHMERLER HAVÂDİSİ Salîb-i Ahmer Cemʻiyetleri Heyʼet-i İttihâdiyesi Heyʼet-i İttihâdiye Müdür-i Umûmîsi Mösyö Claude Hill, İrlanda denizinde Man Adası Vâlîli- ği'ne taʻyîn edilmesine mebnî müdür-i umûmîlikden istiʻfâ etmişdir. Sir Claude Hill'e heyʼet-i ittihâdiye karârıyla fahrî müdür-i umûmî unvânı tevcîh edilmişdir. Bir müdür-i umûmî intihâb edilinceye kadar Amerika Salîb-i Ahmer Cemʻiyeti Reîs-i Sânîsi Mîralây Bicnel?, îfâ-yı vekâlet edecekdir. *** Heyʼet-i İttihâdiye'nin 1 Temmuz 1926'dan Kânûn-ı Evvel gâyesine kadar altı aylık masârıfât büdcesi 140.000 dolara bâliğ olmakdadır. 1927 senesi masârıf büdcesi için Mâliye Komisyonu 280.000 dolar teklîf etmişdir. Amerika Amerika Salîb-i Ahmer Cemʻiyeti teşkîlâtının ıslâh ve taʻdîl edildiği 1905 târîhinden iʻtibâren îfâ etdiği muʻâvenetlerden en ehemmiyetlilerini aşağıya derc ediyoruz. 1905 senesinde beş yüz nüfûsun telef ve 2.000 kişinin melceʼ ve meskenden mahrûm olduğu San Francisco harîk-ı kebirinde Amerika Salîb-i Ahmeri nakden üç milyon dolar maʻâvenetde bulun- muşdur. 1918 senesinde icrâ-yı hükm eden grip salgınında hastalara 2.000.000 dolar teberruʻ etmişdir. 1921 senesi Temmuz'unda Pueblo nehrinin [29] feyezânıyla aynı isimdeki şehrin sular altında kalmasından telefon, telgraf muhâberâtının ve şimendifer münâkalâtının münkatıʻ olması üzerine mahallî Salîb-i Ahmer şuʻbesi hemen faʻâliyete geçerek ilk imdâd ve muʻâvenet mevkiʻleri teʼsîs ve beş yüzden fazla mültecîyi kendi kantinlerinde itʻâm etmiş ve ertesi gün Salîb-i Ahmer Merkez-i Umûmîsi elli bin dolar göndermişdir. Bilâhare Colorado Hükûmeti'nin talebi üzerine imdâd ve muʻ- venât teşkîlâtını tamâmen derʻuhde eden Salîb-i Ahmer, 500.000 dolar iʻâne cemʻ etmeğe muvaffak olmuşdur. 1922 senesinde Rio Grande nehri vâdîsinde vukûʻa gelen feyezândan dolayı mahsûlât mahv olmuş ve bin âile melceʼsiz kalmışdır. Burada da Salîb-i Ahmer, felâketzedegânın ihtiyâcâtını tehvîn etmişdir. 1924 senesinde Ohio eyâletinin kısm-ı şimâlîsini tahrîb eden kasırgada 78 kişi telef ve 1.000'den fazla insân mecrûh ve 1.500 hâne harâb olmuş ve mâddî zâyiʻât 6.500.000 dolardan fazla tahmîn edil- mişdir. Vâlînin riyâset etdiği muʻâvenet komitesinden vukûʻ bulan taleb üzerine Salîb-i Ahmer Cemʻi- yeti 2.800 âileyi teşkîl eden 10.000'den fazla felâketzedelere bir milyon dolar iʻâne tevzîʻ etmişdir. 1925 senesinde İllinois, Missouri ve İndiana Hükûmetleri dâhilinde 400 kilometreden fazla bir sâhayı tahrîb eden şiddetli bir kasırgada 800 nüfûs telef ve 3.000'den fazla insân mecrûh olmuş ve 24.000 kişi melceʼsiz kalmışdır.