HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 62 3025 İcrââta mübâşeret edildiği sırada esâmîsi zabt-ı defter edilen her âile ziyâret olunacak ve mev- cûd vesâit-i muʻâvenet dâiresinde bunların ihtiyâcât-ı zarûriye ve müstaʻceleleri tatmîn edilecekdir. İşbu ziyâret için imdâd ve muʻâvenet husûsâtında tecrübe ve ihtisâsa mâlik hastabakıcılarla ziyâretçi hanımlar meʼmûr edilerek âilenin zâyiʻâtını ve felâketin âile hayâtında hâsıl etdiği tahav- vülâtı, bertaraf edilmesi lâzım gelen müşkilâtı, vâsıta-i maʻîşeti, akdetmiş oldukları sigortaları, ih- tiyâcını, istikbâldeki tasavvurları tesbît ve ifâdât-ı mazbûta âileyi yakînen tanıyan kimseler nezdinde tevsik edilecekdir. Baʻdehû bu tahkîkât netîcesi ve âilenin vazʻiyet-i hâzırası ziyâretçi hastabakıcılar vâsıtasıyla muʻâvenet komitesine teblîğ olunacakdır. Yapılacak muʻâvenetin felâketden mütevellid hasârâta tahsîs edilmesi şartdır. Tahkîkât icrâ edildiği sıralarda zâhire çıkacak sefâlet ve mahrûmiyetler merkezin yalnız nazar-ı ıttılâʻına arz edil- mekle iktifâ edilmelidir. Her âile hakkında yapılacak tahkîkâtın mutlakâ mahremâne bir mâhiyeti hâiz olması muktezî- dir. Bu sâyede âilelerin bizzât iʻtimâdı celb edilmiş olur. ELLERİNİZİ YIKAYINIZ! Muharriri: Doktor İsmail Kenan Yukarıdaki serlevha size ilk bakışda büyük bir şey ifhâm edemeyecekdir. Âtîdeki satırları dik- katle okudukdan sonra hakkımı kuvvetle teslîm edeceksiniz. Vücûdumuzu teşkîl eden, aʻzâ-yı hâricî ve ecvâf ile münâsebeti teʼmîn eden ellerimizdir. Yüzünüzü kaşırsınız, yanağınız üzerinde beliren bir sivilceyi koparırsınız, idrâr ederken aʻzâ-yı tenâsüliyenize temâs edersiniz, gözlerinizi silersiniz, dişlerinizi karıştırırsınız, kulaklarınızı kaşırsınız, ve'l-hâsıl el ile birçok hareketler ve temâslar yapar- sınız. El, her biri muhtelif tûl ve ebʻâdda olan beş parmak ve tırnakdan ibâret bir uzuvdur. Tırnakların altında bazen en kâtil mikroblar saklanır. Müşâhedelerim vâzıhdır. Burada yalnız kendi müşâhedele- rimden değil, fakat birçok âlimlerin bu husûsdaki tecrübe ve müşâhedelerinden bahsedeceğim. Şahsî müşâhedelerim: İsmi: Ş. Efendi Sanʻatı: Perukâr Memleketi: Bulgaristan Milleti: Türk Sinni: 18 Sebeb-i Şikâyeti: Bu genç bana idrâr ederken [52] yanma, yanma ve akıntısı olduğundan şikâyet ederek mürâcaʻat etmişdi. Zavallı beş günden beri ıztırâbât içerisinde kıvranıyor, fakat doktora mürâ- caʻata sıkılıyordu. Akıntıyı lam üzerine aldım. Muʻâyene-i Mikroskobîsi: Mebzûl mikdârda kayhî hücerât dâhilinde gonokok müşâhede etdik. Hastayı tedâvîye başladık. Hasta bana mürâcaʻat etdiği zamân hastalığın beşinci günü idi. Tedâvînin beşinci gününde yani hastalığın onuncu günü Ş. Efendi makʻadında bir yanma olduğundan bana bah-