HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 62 3049 SALÎB-İ AHMERLER HAVÂDİSİ Malzeme-i Sıhhiyenin Tevhîd-i Ebʻâdı Cenevre Beynelmilel Salîb-i Ahmer Merkez Komitesi'nden vâkiʻ olan daʻvet üzerine malze- me-i sıhhiyenin tevhîd-i ebʻâdı mesâili ile iştigâl eden komisyon 19 Teşrîn-i Sânî'de ilk ictimâʻını akdedecekdir. Mezkûr komisyon malzeme-i sıhhiye için açılacak müsâbakada heyʼet-i mümeyyize vazîfesini îfâya meʼmûrdur. Muhtelif memleketlerin idâre-i sıhhiyeleri ile millî Salîb-i Ahmerlerinde istiʻmâl olunan malze- me-i sıhhiyeye âid maʻlûmât peyderpey Cenevre merkezine gönderilmekdedir. Bu müsâbakaya fevkalâde bir ehemmiyet atfeden Felemenk Salîb-i Ahmeri müsâbaka masârıfı olmak üzere Cenevre merkezine 200 İsviçre frangı irsâl etmişdir. *** Zamân-ı Harbde Gâiblerin Adedini Tenkîse Hâdim Tedâbîr Portekiz Sıhhiye-i Askeriyesi müfettiş-i umûmîsinin geçen Ağustos târîhiyle Beynelmilel Salîb-i Ahmer Merkezi'ne gönderdiği mufassal raporda Harb-i Umûmî esnâsında üserâ-yı harbiye, gâibler ve ölenler hakkında yazılan raporları cemʻ ve tasnîfe meʼmûr olan İstatistik ve Sicil Kale- mi'nin tarz-ı idâresi îzâh edilmişdir. İdâre-i mezkûre, vefât edenlerin taʻyîn-i hüviyeti ve gâiblerin ta- harrîsiyle el-yevm iştigâl etmekde olduğu gibi harekât-ı askeriyeye civâr olan mahallerde mesâʻîsine devâm eden Portekiz Harb Mezârları Komisyonu'nu da idâre etmekdedir. Portekiz Harb Mezârları Komisyonu ihrâc-ı meyyit ile vefât eden Portekiz askerlerinin taʻyîn-i hüviyetine meʼmûrdur. Danimarka Salîb-i Ahmeri el-yevm mülgâ bulunan Üserâ-yı Harbiye Komis- yonu'nun Harb-i Umûmî'de Danimarka'da icrâ kılınan tedkîkât ve taharriyâta âid vesâiki Beynelmilel Merkez Komitesi'ne irsâl etmişdir. *** Beynelmilel Salîb-i Ahmer Merkezi'nin Suriye Murahhası Beynelmilel Salîb-i Ahmer Merkezi'nin Suriye Murahhası Mösyö Burnier tarafından gönderi- len tahrîrâtda kurâ ve kasabâtından Şam'a ilticâ etmiş on iki bin müslümânın büyük bir fakr u ihtiyâc içinde bulunduğu işʻâr edilmekdedir. Aynı tahrîrâtda [71] 58 bini Haleb'de, 30 bini Beyrut'da, 15 bini Antakya, İskenderun ve Süveyde'de, 10 bini Şam ile Havran'da, 5 bini Lübnan kurâ ve kasabâtında, 2.500'ü Lazkiye'de, bini Humus ile Hama'da, 2 bini Trablus'da ve bini Sayda ile Teyr'de olmak üzere 124.500 Ermeni muhâciri bulunduğu gösterilmekdedir. *** İzlanda ve Dominik Cumhûriyeti Hâl-i harbde bulunan ordular mecrûhîn ve hastagânının tehvîn-i ıztırâb ve ıslâh-ı hâlleri hak-