HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 63 3073 Göğüs: Siʻa-i sadr… 10 Ciğerler… 25 Kalb… 25 Batn… 55 Etrâf… 30 Yekûn 250 Cemʻan Yekûn 1.000 [82] VEREMLE MÜCÂDELE EDEBİLİR MİYİZ? Doktor İsmail Kenan Veremle Mücâdele Cemʻiyeti'ne, Çocuklardaki veremle mücâdele etmek için bazı tahaffuz çâreleri düşünülmüşdür. Bu tahaffuz çârelerinden birincisi, çocuğu doğar doğmaz ebeveyninden ayırmak veyâhûd doğdukdan bir müd- det sonra ayırmak. Yapılan tedkîkât göstermişdir ki, verem âilenin muhîtinden menşeʼini alır. Yüzde doksan vâlideden çocuğa sirâyet eder. Bu muʻdil ve muʻazzam ictimâʻî mesʼele ile uğraşmak Türk tabâbetine borç ve mukaddes bir vazîfedir. Hâl-i hâzırda müşâhede etdiğimiz birçok hastalıkların sebeb-i yegânesi veremdir. Diyebilirim ki, İstanbul etıbbâsı her gün birkaç bin veremliyi görmekdedir. Muhtelif şuʻbelerde çalışan arkadâş- larımız veremin muhtelif şekillerini görmekde, bu bî-amân hastalığın neslin üzerindeki tahrîbâtını kaydetmekdedirler. Vereme karşı şiddetli bir harb açmalıyız. Bu harbde muvaffakiyet bi'l-cümle Türk doktorlarının ve ictimâʻiyâtçılarının el ele vererek lâzım gelen tedâbîre mürâcaʻat etmeleriyle kâbil olacakdır. Verem bir mesʼele-i ilmiye ve fenniyeden ziyâde bir mesʼele-i ictimâʻiyedir. Son zamânlar- da verem aşılarından elde edilen cesâret-bahş netîceler bizde bu ümîdleri uyandırmağa sâik olmuşdur. Veremin açdığı cerîhalar dolayısıyla birçok memleketlerde veremden tahaffuz için muhtelif mücâdele sistemleri kabûl edilmişdir. Bu sistemlerin kuvveden fiʻle çıkması için büyük bir teşkîlâta, kuvvetli bir büdceye ihtiyâc vardır. Fakat aşı mesʼelesinde bu hâl yokdur. Kuvvetli bir teşkîlât ile büyük bir büdceye pek o kadar ihtiyâc yokdur. Netîcesi hem daha parlak ve kâbiliyet-i tatbîkiyesi de daha kolaydır. Vereme karşı kullanılan muhtelif tahaffuz çârelerinden hulâsaten bahsedeceğim. Veremli vâ- lidenin nezdinden ayrılacak çocuk ya müşâhede kreşlerine gönderilmeli veya kontrol edilmesi sehîl olan âileler nezdine yerleştirilmelidir. Müşâhede kreşlerinin vazîfesi nedir? Burada çocuğun şübhe edilen hastalıkla maʻlûl olup olmadığını taʻyîn ve tefrîk etmekdir. Paris'de Laink? Hastahânesi'nde açılan "Müşâhede Kreşi" bu vazîfeyi îfâya tahsîs edilmişdir. Sıhhatde olan çocukları vâlidelerinden ayırdıkdan sonra bir âile nezdine misâfir etmek, misâfir edilen yerlerin ciyâdet ve sâfiyet-ı havâsından yavruları müstefîd etmek gâyesi taʻkîb edilmekdedir.