HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 63 3077 5-Vereme mübtelâ olan pederi mi, vâlidesi mi, bunun kaydı 6-Ölecek olursa sebeb-i vefâtı 7-Tedâvî eden doktorun ismi, adresi veya ziyâretçi hemşîrenin ismi ve adresi [yer almaktadır.] Veremle mücâdele için birçok sistemler vardır. Bu sistemlerden Grancher teşkîlâtı prevantor- yumlar ve hastahâne sanatoryumlar küşâdı ve sanatoryumlar açılması pek büyük masraf ve külfeti bâdîdir. Veremle Mücâdele Cemʻiyeti'nin Calmette aşıları hakkında nazar-ı dikkatini celb ederim. Fransa'da "Tıbbî Günler" esnâsında Calmette'in bizzât beyân etdiği muvaffakiyetli netîceler bizim bir an evvel bu aşıları tecrübe etmemizi istilzâm ediyor. Bunun için memleketde çalışacak pek kıymetli arkadâşlarımız vardır. Her doktor kendi mıntıkasında heyʼet-i ihtiyâriyeleriyle ve bütün doktorlar mıntıkalarında toplanarak tanıdıkları veremli âileleri tesbît etmeli. Bu âilelerden doğan çocuklara doğar doğmaz B.C.G. aşısı tatbîk edilmelidir. Bu sûretle her sene müdhiş bir yekûna bâliğ olan verem vefeyâtına karşı mücâdele kâbil olabilecekdir. Doktor İsmail Kenan İLK İMDÂD Son iki nüshamızda âfât ve mesâib-i umûmiyeye karşı Salîb-i Ahmer Cemʻiyetlerinin muʻâve- net teşkîlâtını ve bu teşkîlâtın bizce kâbil-i istifâde olabilecek aksâmını arz etmiş idik. Bu nüshamızda da ilk imdâd veya taʻbîr-i diğerle muʻâvenet-i serîʻanın mâhiyetinden bir nebze bahsetmek istiyoruz. Bir kazâ veya bir felâketin akab-i vukûʻunda en iyi şerâit-i mümkine ile hemen o kazâ veya âfete çâresâz olabilecek bi'l-cümle tedâbîrin ittihâzı ilk imdâd veya muʻâvenet-ı serîʻayı teşkîl eder. İlk imdâd teşkîlâtında evvel emirde bilinmesi lâzım gelen nukât şunlardır: 1-Bir kazâ vukûʻ bulduğu zamân mevzûʻ-ı tedkîk olacak mesâil nelerden ibâretdir? 2-Nazariyâtda bu ihtiyâcâtı teʼmîn edecek hangi teşkîlâtdır? 3-Hâl-i hâzırda elde mevcûd vesâitle bir idâre-i mükemmele ne sûretle teʼsîs edilecekdir? Birinci Mesʼele: Bir müdâhale-i tıbbiye veya cerrâhiyeyi istilzâm eden az çok hâiz-i ehemmiyet her hâdise "kazâ" taʻbîr-i umûmîsine dâhildir. Binâenaleyh muʻâvenet-i müstaʻceleden bahsetdiğimiz zamân maksad yalnız câdde ve sokaklarda değil ve fakat âilelerde, mekteblerde ve fabrikalarda zuhûr edip de bir müdâhale-i ecnebiyeyi daʻvet edebilecek olan bi'l-cümle vekâyiʻ ve hâdisâtı pîş-i nazara alma- mız lâzım geliyor demekdir. Nâgehânî bir kazâ vukûʻunda ise: Evvelâ, bir tabîb veya cerrâha veyâhûd bir hasta [87] bakıcıya veya hiç olmazsa bazı âlât ve vesâit-i imdâdiyeye mâlik bir şahsa mürâcaʻat edilebilmelidir. Sâniyen, bundan sonra hasta veya mecrûhun sâbit ve gayr-ı müteharrik bir vazʻiyetde kalabile- ceği veya müdâvât-ı evveliyesinin icrâ edileceği bir mahalle gitmesi veya götürülmesi lâzımdır.