HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 63 3103 [108] SALÎB-İ AHMERLER HAVÂDİSİ Florida Felâketi Amerika Salîb-i Ahmeri bir asırdan ziyâde bir zamândan beri târîhin henüz kaydetmediği bü- yük bir felâket muvâcehesinde bulunmakdadır. Eylül'ün on sekizinci günü gâyet şiddetli bir kasırga Florida kıtʻasının Miami havâlisini tahrîb etmiş, sekiz yüz nüfûs telef olmuş ve 40.000 kişi melceʼsiz kalmışdır. Zâyiʻât-ı mâddiye 150 milyon dolar tahmîn edilmekdedir. Rüzgâr sâʻatde 150 kilometre bir sürʻat peydâ ve tekmîl dalgalar tehevvür ve şiddetle karaya hücûm etmişdir. Evler yıkılmış, köprüleri sular götürmüş, şehirler zulmet içinde kalmış ve su kanalizasyonu parçalanmışdır. Felâket nihâyet bulmazdan evvel Salîb-i Ahmer, imdâd ve muʻâvenet faʻâliyetini tertîb ve tah- rîk eylemişdir. Miami'den alınan ilk maʻlûmâtda Salîb-i Ahmer imdâd merkezleri tarafından meʼkûlât, içecek su, elbise tevzîʻine başlandığını ve Salîb-i Ahmer meʼmûrîni polisle müştereken kazâzedelerin tahlîsi ile meşgûl olduğu bildirilmekde idi. Mahall-i felâkete yakın olan şuʻabâtın gönderdiği imdâd trenleri su altında kalan menâtıkı geç- meğe muvaffak olmuşdur. Washington Salîb-i Ahmer Merkez-i Umûmîsi felâketin derece-i vüsʻat ve ehemmiyeti hakkın- da peyderpey maʻlûmât vürûd etdikçe merkez-i umûmî imdâd ve muʻâvenet tertîbâtını gâyet vâsiʻ bir mikyâsda ihzâra mecbûr olarak etıbbâyı, hastabakıcıları ve bi'l-cümle malzemeyi tayyâreler ile Washington'dan Florida'ya nakletmişdir. Salîb-i Ahmer reîsi olan Reîsicumhûr Mister Coolidge dahi neşretdiği bir beyânnâme ile bütün Amerika ahâlîsini iʻtâ-yı iʻâneye daʻvet etmişdir. _______________ Estonya Salîb-i Ahmeri Estonya Salîb-i Ahmeri'nin teşkîlât ve icrââtı hakkında âtîdeki maʻlûmâta destres olduk: -1- Umûmî Hıfzıssıhha 1-Estonya Salîb-i Ahmeri birçok etıbbânın iştirâk ve muʻâvenetleriyle merkez-i umûmîsinde bir poliklinik, 2-Bir jimnastik ve masaj merkezi, 3-Üç muhtelif şehirde birer dispanser, 4-Altı ay için 45 talebeye terbiye-i bedeniye dersleri veren bir merkez teʼsîs etmişdir.