HİLÂL-İ AHMER MECMÛʻALARI / CİLT 7

3123 Altıncı Sene 10 Cemâziyelâhir sene 1345 / 15 Kânûn-ı Evvel 1926 Numara 64 Makâlât ve İʻlânât, Mecmûʻa Müdüriyeti'ne Gönderilmelidir. TÜRKİYE HİLÂL-İ AHMER MECMÛʻASI Derc Edilmeyen Evrâk ve Makâlât İʻâde Edilmez. Her Ayın On Beşinde Neşrolunur. Senelik abonesi bir liradır. Merciʻi: Yerebatan Câddesi'nde Hilâl-i Ahmer Merkezi. Telefon: İstanbul 2653 Mündericât: İctimâʻî Hıfzıssıhha – Japonya Salîb-i Ahmeri – Nightingale Madalyası – Mühim Bir Meşher – Karahisarısahib Maʻden Suyu İmtiyâzı – Hilâl-i Ahmer Havâdisi – Salîb-i Ahmer Havâdisi – Muktebesât – İngilizce Kısmı – Fransızca Kısmı İCTİMÂʻÎ HIFZISSIHHA -37- Sütanneliğinin Ehemmiyeti Hayât-ı âilede asırlardan beri sıhhî ve ictimâʻî nokta-i nazardan ehemmiyet verilen nukâtdan biri de sütanneliğimizdir. Sütanneliğinin târîhi, anʻanesi Türklerde kadîmden beri pek müteʻârif ve kıymeti pek mütemâ- yizdir. Âile arasında, ictimâʻiyâtda her neden ise bu husûsa ayrıca bir kıymet verilmiş, hattâ yakın zamânlara kadar dîn ve şerîʻatın ahkâm-ı husûsiyesine bile tâbiʻ kalmışdır. Birçok âilelerde sütninelerinin mâzîsi, târîhi birer tefâhur hâlinde nesilden nesile intikâl etmek- de ve efrâd-ı âilece anne timsâli bir şahsiyet hâlinde telâkkî edilmekdedir. Bâ-husûs bu hâtıralar içinde annesi lohusalığı müteʻâkib vefât etmiş veya verem döşeğine yat- mış olan binlerin bir de yâd-ı hazîni okunduğu cihetle başkaca bir ehemmiyet kesb ediyordu. Yeni doğan bir yavrunun vâlidesinden hakkı olan emeceği süt herhangi bir sebeble ziyâʻa ve ketme uğrarsa bir sütanne aramak ve bulmak tabîʻî ve hulkî bir keyfiyet olacağı bedîhîdir. Ta eski zamânlardan beri âile ve ictimâʻiyâtımızda henüz hayvân sütlerinin keyfiyet ve kemmi- yeti tamâmen taʻayyün etmemesi ve hattâ inek, keçi, eşek sütleri ile yavrularımızı beslemenin insân- lık nokta-i nazarından bir tehlike teşkîl edeceği mesʼelesi sütnine aramak ve emzirmek husûsunda başlıca bir âmil olmuşdur, diyebiliriz. Fi'l-hakîka bugün bile inek ve koyun gibi hayvânâtın sütleriyle çocuklara tevehhüm edilen her- hangi bir hayvâniyet geçeceğini iddiʻâ edecek bî-şuʻûrlar mevcûd olmadığı iddiʻâ edilemez.