HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 64 3128 Maʻamâfîh herhangi bir sıhhî ve ictimâʻî esbâb tekevvün edip de yavrusunu emzirmek müm- kün olamayacağı takdîrde şehâdetnâmeli veya muʻakkam inek sütleri ile beslemek tercîh olunmalı ve bundan mâʻadâ vaktinden evvel doğmuş cılız ve zaʻîf bebekleri de muhakkak ticârete çıkaracağımız insân sütleri ile beslemek usûlünü ihdâs etmek mecbûriyetindeyiz. El-hâsıl yavrularımızı nasıl besleyip yetiştireceğimizi bilir, sütanneliğimizi ıslâh, taʻdîl ve bil- hâssa insân sütü ticâretini ihdâs eder isek son senelerde hepimizin önüne her adımda bir tehlike-i ictimâʻiye ve siyâsiye gibi çıkıp duran ve gitdikçe korkunç bir şekil olan vefeyât-ı etfâl heyûlâsının mühim bir istinâdgâhını yıkmış olacağız. JAPON SALÎB-İ AHMERİ Japon Salîb-i Ahmeri'nin sulh mesâʻîsi programı seneden seneye yeni bir safha-i inkişâfa dâhil olmakdadır. Mevcûd müessesâtında icrâ edilen birçok ıslâhât ve taʻdîlât dâhil-i hesâb edilmediği hâlde Ja- pon Salîb-i Ahmeri 1925 senesinde bir umûmî hastahâne, iki dâimî muʻâvenet merkezi, iki seyyâr dispanser, iki sanatoryum, bir vilâdethâne, hâmil kadınlarla memedeki çocuklara mahsûs bir muʻâye- ne merkezi, sâhil-i bahrda bir mekteb, zaʻîf ve cılız çocuklar için dokuz [125] taʻtîl kolonisi ve dört çocuk bakımevi teʼsîs ve teşkîl etmişdir. Japon Salîb-i Ahmer Merkez-i Umûmîsi binâsı Siège du Comité Centrale de la Croissant-Rouge Turc Japonaise 1925 senesinde Japon Salîb-i Ahmeri, yekûnu 3.938 yatağa bâliğ olan yirmi bir hastahâneye mâlik bulunmakda idi.