HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 64 3143 görülecek maʻden suları her nerede bulunursa zabt u imhâ olunacak ve bundan dolayı sâhib-i imtiyâ- zın bir gûnâ tazmînât iddiʻâsı mesmûʻ olmayacakdır. Mâdde 24- Sâhib-i imtiyâz işbu maʻden suyundan şerâit-i sıhhiye ve fenniye dâiresinde istifâde etmek üzere Sıhhiye ve Ticâret Vekâletleri tarafından müştereken lüzûmu takdîr ve tesbît edilecek olan teʼsîsât ve inşââtda ve maʻden suyunu iʻmâl ve ihrâc ve cemʻinde ve suların şimendifer veya muntazam şoseye araba ve otomobil ile her mevsimde nakliyâta sâlih bir yol inşâsına, elli bin liralık bir sermâye tahsîsine mecbûrdur. İşbu sermâye âid olduğu sermâye-i sâbit ve mütehavvile idhâl ve temettuʻdan mahsûb edilir. Mâdde 25- İşbu şartnâmenin iki, beş, altı, yedi, sekiz ve dokuzuncu mâddeleri ahkâmının tatbî- kinden dolayı Maʻâdin İdâresi'yle mültezim beyninde tahaddüs edecek ihtilâfât Şûrâ-yı Devletçe hall ü fasl olunur ve fakat bidâyeten üç aʻzâdan mürekkeb bir komisyon tarafından tedkîk edilir. Aʻzâdan biri Ticâret Vekâletince maʻden mühendisleri meyânından intihâb ve ikincisi mültezim tarafından nasb olunur. Bu iki aʻzâ, üçüncü aʻzâyı intihâb ederler. Edemedikleri takdîrde tarafeynden birinin mürâcaʻatı üzerine Sıhhiye Vekâleti tarafından üçüncü aʻzâ intihâb edilir. İşbu komisyon teşekkülünden iʻtibâren iki ay zarfında mütâlaʻasını esbâb-ı mûcibeli bir lâyiha ile beyân edecekdir. Hilâl-i Ahmer Merkez-i Umûmîsi Reîsi Doktor Refik Ticâret Vekîli Mustafa Rahmi HİLÂL-İ AHMER HAVÂDİSİ Nizâmnâme-i esâsînin taʻdîl edilen mevâddı hakkında merâkize gönderilen tahrîrât-ı umûmiye ile mevâdd-ı muʻaddelenin sûretleridir. Hilâl-i Ahmer Riyâset-i Muhteremesi'ne, 1 Eylül 1926 târîh ve 493 numaralı karârnâme ile Hilâl-i Ahmer Cemʻiyeti Nizâmnâme-i Esâsî- si 'nin beşinci, yirmi üçüncü, otuz birinci, otuz yedinci, kırkıncı, seksen üçüncü, doksan üçüncü, yüz üçüncü, yüz onuncu, yüz on ikinci, yüz on beşinci, yüz yirmi üçüncü, yüz otuz birinci, yüz otuz üçüncü mâddeleriyle altmış birinci mâddenin dokuzuncu ve on ikinci fıkraları taʻdîl edilmiş ve işbu taʻdîlâta göre yeniden tabʻ etdirilen nizâmnâmeden on beşer adedinin irsâli derdest bulunmuş ve işbu taʻdîlâtdan şuʻbe ve merkezlerimizi alâkadâr kılan mevâddın bir sûreti leffen takdîm kılınmışdır. Bi'l-vesîle teʼyîd-i hürmet ve temennî-i muvaffakiyet eyleriz, efendim. Kâtib-i Umûmî [139] Otuz Birinci Mâdde- Türkiye Hilâl-i Ahmer Cemʻiyeti, meclis-i umûmî tarafından idâre olunur. Meclis-i umûmî, merkez-i umûmî aʻzâsı ve Hilâl-i Ahmer'e meʼmûr berrî ve bahrî askerî mu-