HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 64 3165 Amerika Amerika Salîb-i Ahmeri altıncı ictimâʻ-ı senevîsini bi'l-cümle şuʻabât murahhaslarının huzû- ruyla 4-7 Teşrîn-i Evvel'e kadar Washington'da akdetmişdir. Murahhasların müzâkerâta fazla bir alâka gösterebilmesini teʼmînen nîm resmî mâhiyetde ak- dedilen celseler umûmî ictimâʻlardan fazla olmuşdur. _______________ Danimarka Salîb-i Ahmer Günü Danimarka Salîb-i Ahmeri'nin 27 Nisan'da tertîb etdiği Salîb-i Ahmer Günü 429.246 kron hâ- sılât yapmışdır. Bu meblağın 85.137 kronu "Halde Hıfzıssıhha Enstitüsü" için tefrîk edilmiş ve müte- bâkîsi Salîb-i Ahmer faʻâliyet ve icrâât-ı muhtelifesine tahsîs kılınmışdır. _______________ Yunan Birçok senelerden beri Yunan Salîb-i Ahmer kâtib-i umûmîliğinde bulunan Mösyö Patrikios vefât etmişdir. _______________ MUKTEBESÂT Vakit refîkimizin başmakâlesinden: "-Hilâl-i Ahmer Cemʻiyeti Dün Türkiye Hilâl-i Ahmer Mecmûʻası 'nın son nüshasını aldık. Mecmûʻa reîsicumhûr hazretle- rinin 1 Teşrîn-i Sânî'de Büyük Millet Meclisi'nde îrâd etdikleri nutkun Hilâl-i Ahmer'e taʻalluk eden takdîrkâr cümlelerini şükrân ile kaydetdikden sonra cemʻiyetin aʻzâsı ve adedinin Türk milletinin rüşd-i ictimâʻîsiyle mütenâsib bir dereceye varması ve bütün milletin bu tenâsübü teʼmîn etmesi hak- kındaki temenniyât üzerine hepimizin nazar-ı dikkatini celb ediyor. Fi'l-hakîka Gâzî hazretlerinin Hilâl-i Ahmer Cemʻiyeti aded-i aʻzâsını tezyîde maʻtûf olan yük- sek işâretleri sebebsiz değildir. Harb, âfât ve mesâib gibi ahvâl-i fevkalâde zamânlarında Hilâl-i Ah- mer Cemʻiyeti tarafından millete hitâben tevcîh edilen istimdâdkâr sesler dâimâ her tarafdan heye- cânlı bir hiss-i semâhat ile mukâbele görmüşdür. Efrâd-ı milletden pek çok kimseler Hilâl-i Ahmer'in gösterdiği muʻâvenet vazîfesine koşmuşdur. Fakat hâl-i harb zâil oldukdan, âfât ve mesâib levhaları gözlerimizin önünden nisbeten uzaklaş- dıkdan sonra bittabʻ Hilâl-i Ahmer'in bu yolda umûma hitâben mürâcaʻatına imkân kalmamakdadır. Onun için Hilâl-i Ahmer'in sulh zamânında da nihâyet bulmayan ictimâʻî ve millî vazîfelerini bi-hak- kın îfâ husûsunda müşkilât çekilmekdedir. Bunun için cemʻiyetin yegâne istinâd noktası mukayyed aʻzâsının âidâtına inhisâr etmekdedir. Bu iʻtibâr ile Hilâl-i Ahmer [155] Cemʻiyeti'nin aʻzâsını tezyîd etmek sulh zamânına âid millî bir vazîfedir.