HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 65 3199 larından ile'l-ebed mahrûm olacak derecede cezâlanır. Senevî bu hastalıkdan musâb ve vefeyâtımızın derece ve nisbeti hakkıyla maʻlûm değildir. Bundan mâʻadâ hastalığa müstaʻid olanların kocaman ülkemizde nasıl tevzîʻ ve taksîm olduğu, sâhil ve dağ iklîmlerinde yaşayan halkımızdaki istiʻdâd ve nisbeti ilh. gibi husûsât da mechûlümüzdür. Şimdilik büyük şehirlerimizde teessüs etmiş ve ana ve ilk mekteblerinde mevcûd çocuklara Schick teʻâmülü yaparak hastalığa müstaʻid olanları meydâna çıkarmak ve muhtelif iklîmlerde nisbeti hakkında maʻlûmâta destres olmak pek müfîd olsa gerekdir. Bundan sonra teʻâmülü müsbet çıkanların toksin + anti-toksin mahlûtu ile ve usûl-i mahsûsası vechile aşılayarak muʻâfiyet kazandırmak îcâb eder. Şunu bilmeliyiz ki, bu asırda kitle-i ictimâʻiye ve halk için bir kuşpalazı tehlikesi artık mevcûd değildir ve olamaz. Bu illete tutulmamak çâreleri artık keşfo- lunmuşdur. Schick teʻâmülü diye yâd edilen ve cilde tatbîk olunan ufak bir şırınga bu hastalığa müs- taʻid olanları tefrîk etmekdedir. Bu gibiler usûl-i mahsûsasına tevfîkan difteri aşısı ile 2-3 şırıngada muʻâfiyet kazanmakda ve bu sûretle vücûdun hâsıl etdiği muʻâfiyetin senelerce sürdüğü ve çocuklara muhîtden hiçbir tehlike melhûz olmadığı anlaşılmakdadır. Herhangi bir sûretle hastalığa musâb olan- lar gün hattâ sâʻat zâyiʻ etmeden bir tabîbe mürâcaʻatı vazîfe-i ictimâʻiye bilmeli ve hastalığın husûsî ve şâfiʻ olan serumu ile tedâvîye şitâbân olmalıdırlar. Memleketimizin en ücrâ köşeleri bile sıhhiye ve muʻâvenet-i ictimâʻiyenin vazîfe-şinâs ve müşfik ellerinin hâzırladığı ve techîz etdiği bu gibi şâfiʻ serumlar ile senenin her mevsim ve zamânında mücehhezdir. Yeter ki halkımız hastalığa lâzım gelen ehemmiyeti vererek devâsını ya[v]rularına tatbîk etdirmek husûsunda müdrik ve kadir-şinâs olsun. ÇEKOSLOVAKYA SALÎB-İ AHMERİ Çekoslovakya Salîb-i Ahmeri akdetdiği son kongrede merkez-i umûmîye beş aʻzâ daha ilâve- sine karâr vermişdir. Aʻzâ-yı mezkûre müdâfaʻa-i milliye, hıfzıssıhha, basîret-i ictimâʻiye, maʻârif ve meclis-i umûmîyi temsîl edeceklerdir. Heyʼet-i idâre aʻzâsı da beşden sekize ve aʻzâ taʻahhüd-i senevîsi 6 krondan 20 krona iblâğ edilmişdir. 1919 senesinde teessüs etmiş olan Çekoslovakya Salîb-i Ahmeri'nin sulh zamânına âid başlıca sâha-i faʻâliyeti şudur: [174] 1-Âfât ve mesâib-i umûmiyeye karşı istihzârât 2-Hıfzıssıhha husûsunda halkın terbiyesi 3-Müessesâtı için meʼmûrîn-i sıhhiye teşkîli 4-Gençliğin terbiyesi yani Gençlik Salîb-i Ahmeri Hükûmet ile müessesât-ı sıhhiye ve cemʻiyât-ı hayriyenin inzimâm-ı mesâʻîsiyle tertîb ve ihzâr olunan bu programı, Çekoslovakya Salîb-i Ahmeri senelere taksîm ederek beher sene yalnız bir mâd- desinin ikmâl ve mevkiʻ-i tatbîke vazʻını taht-ı karâra almışdır. Şöyle ki: 1924 senesinde ilk imdâd ve muʻâvenet teşkîlâtı vücûda getirilmiş, 1925'de meʼmûrîn-i sıhhiyeye âid teşkîlât ikmâl olunmuş ve bir ictimâʻî hıfzıssıhha mektebi teʼsîs ve küşâd edilmişdir. Hükûmetin verdiği tahsîsâta ilâveten Amerika'daki Slavlar Birliği'nin bir milyon kronluk muʻâ- venet-i nakdiyesi sâyesinde Çekoslovakya Salîb-i Ahmeri vâsiʻ bir bâğçe ortasında asrî bir ictimâʻî hıfzıssıhha mektebi yaptırmışdır. Bu mektebde fizyoloji, terbiye-i bedeniye, umûmî ve ictimâʻî hıf- zıssıhha, psikoloji ve terbiye-i etfâl vesâire tedrîs olunmakdadır. Talebe muhtelif müessesât-ı sıhhiye- de hastahânelerde tatbîkât ve fiʻliyât ile mümârese hâsıl etmeğe mecbûrdur. Bundan başka programa jimnastik, teneffüs, el ve ev işleri de ilâve edilmişdir.