HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 65 3225 SALÎB-İ AHMER HAVÂDİSİ Amerika 1905'de Reîsicumhûr Mösyö William Taft'ın Salîb-i Ahmer riyâsetini kabûl etdiği târîhden iʻ- tibâren Amerika Salîb-i Ahmeri zamân-ı sulha âid vezâifi senelere taksîm ederek bugünkü merhale-i tekâmüle vâsıl olmuşdur. 1907'de verem mücâdelesine, 1908'de hıfzıssıhha mücâdelesine ve hastalara âid takayyüdâta, 1909'da hastabakıcı kaydına, 1910'da ilk imdâd ve muʻâvenet teşkîlâtına, 1912'de şehir ve köy hasta- bakıcılık teşkîlâtına, 1914'de tahlîsiye kâfileleri teʼsîsine teşebbüs etmişdir. [195] Amerika Salîb-i Ahmeri'nin son yirmi bir sene zarfındaki muvaffakiyât ve inkişâfâtını gösteren bir cedveli aşağıya derc ediyoruz: 1905'de Amerika Salîb-i Ahmeri 1926'da Amerika Salîb-i Ahmeri 16 3.531 şuʻbeye 3.337 3.012.055 aʻzâya 50 43.503 hastabakıcıya 5.325 14.482.926 dolar reʼsülmâle 8.325 3.455.766 dolar mahall-i sarfı muʻayyen olan reʼsülmâle - 10 şuʻabât-ı idâriye[ye] - 5.549.428 Gençlik Salîb-i Ahmer aʻzâsına *** Florida kıtʻasının kısm-ı cenûbîsindeAmerika Salîb-i Ahmeri'nin muʻâveneti henüz ber-devâm- dır. Felâketden mutazarrır olan 20.000 âileye 350 Salîb-i Ahmer aʻzâsı meʼmûr edilmişdir. Amerika Salîb-i Ahmer Mecmûʻası , Florida felâketinde vefât edenlerin mikdârını 372 ve mec- rûhîn adedini 6.381 göstermekdedir. Felâketin vukûʻundan birkaç gün sonra ilk imdâd ve muʻâvenete hitâm verilmiş olduğundan her âile ihtiyâcına göre tahsîsât almakdadır. Hayât-ı tabîʻiye tedrîcen avdet etmek üzeredir. Teşrin-i Evvel gâyesinde 7.500 âile Salîb-i Ahmer'in muʻâvenet-i nakdiyesi sâyesinde mesken ve ikâmetgâhlarını tağyîr veya tecdîd etmişdir. Harâb olan havâlî 350 kilometrelik bir sâhayı ihtivâ etdiğinden imdâd ve muʻâvenet için vâsiʻ tertîbât alınmışdır. Kasırgayı müteʻâkib Florida'dan tebâʻüd etmekde olan binlerce insânın şimendifer kumpanya- larınca meccânen nakli teʼmîn edilmişdir. Hastabakıcıların gayreti sâyesinde memleketin şerâit-i sıhhiyesine aslâ halel gelmemişdir. Salîb-i Ahmer Etıbbâ Kısmı Müdüriyeti, meʼmûrîn-i mahalliye ile müştereken tifo aşısı tatbîk etmiş- dir. Meskenlerde kalan süprüntü ve müzahrafâtın refʻ u defʻi için takayyüdât ve tedâbîr-i lâzıme ittihâz ve hıfzıssıhha kavâʻidi tamâmen tatbîk edilmişdir. Buna binâen 6.000 mecrûhda ancak bir tetanos vakʻasına tesâdüf olunmuşdur.