HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 66 3245 Hattâ bugün bile herhangi bir hasta bu tabîblerin tedâvîsinden tamâmıyla katʻ-ı ümîd etme- dikçe hakîkî bir doktora mürâcaʻat etmek istemez. Tedâbîr-i zâbıta ile tabîb ve üfürükçü ocaklarının ortadan kaldırılmasına da imkân görülmediği cihetle bu husûsda açılan mücâdelede halkın terbiye-i fikriyesine ve hıfzıssıhhanın neşr u taʻmîmine ve bilhâssa köylülerin meccânen tedâvîsine gerek Sıh- hiye-i Umûmiye Ahâlî Komiserliği ve gerek Hilâl-i Ahmer Cemʻiyeti fevkalâde ehemmiyet vermiş ve himâye-i etfâl mesâilini cemʻiyet bizzât derʻuhde eylemişdir. Özbekistan Hilâl-i Ahmeri'nin teşkîlât-ı sıhhiyesine gelince; masârıfı cemʻiyete âid olmak üzere elli yataklı bir sanatoryum, Buzsu sâhilinde vâsiʻ bir bâğçe içinde zaʻîf ve nahîf çocukların ve îcâbın- da şehrin en muhtâc ve sefîl ahâlîsinin tedâvîsine mahsûs bir melce, Taşkend'de seyyâr hastahâneler, Buhara ile diğer bir şehirde vâlide ve çocuklar için muʻâyenehâneler ve ayrıca bir Süt Damlası ve çocuk verem ve emrâz-ı zühreviye dispanserleri teʼsîs ve küşâd edilerek mürâcaʻat edenlerin ilâcları meccânen verilmekdedir. 1926 senesi Kânûn-ı Sânî'sinde teşekkül etmiş olan Özbekistan Hilâl-i Ahmeri'nin sekiz aylık masârıfı 64.244,84 ruble yani 150.000 altın frankdan fazladır. Memleketin sıhhî ve ictimâʻî inkişâfında halk kitlelerinin aʻzamî derecede iştirâklerini teʼmîn etmek üzere pek büyük gayret ve mesâʻî sarf edildiği de görülmekdedir. _______________ [208] SİYAM SALÎB-İ AHMERİ Siyam Salîb-i Ahmeri 31 Mart 1926'da hitâm bulan seneye âid raporunu neşretmişdir. Bu rapo- run mühim addetdiğimiz aksâmını hulâsaten aşağıya derc ediyoruz. Hastahâneler Siyam Salîb-i Ahmeri'nin bu kısım müessesâtında merkez-i faʻâliyetini Kral Chula Longkorn nâmına teʼsîs olunan hastahâne teşkîl eder. Hastahâne, en güzide etıbbâ-yı askeriye meyânından müntehab bir heyʼet-i tıbbiye ile Siyam Salîb-i Ahmer Hastabakıcı Mektebi'nden meʼzûn şefkat hemşîreleri tarafından idâre edilmekdedir. Hastahânenin ücretli bir kısmı ve meccânen kabûl olunacak hastalara mahsûs ayrıca 240 yatağı vardır. 1925-1926 senesinde: Ayakda tedâvî edilenler 34.416 Hastahâneye kabûl olunanlar 2.471 Evlerinde vazʻ-ı haml edenler 158 Hastahâneye vazʻ-ı haml edenler 417 37.462 Muhtelif Tedâvî Büyük ameliyât-ı cerrahiye 219 Küçük ameliyât-ı cerrahiye 558 Yara tedâvîsi 547