HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 66 3247 Çocuk hastalıkları 11.114 Ameliyât-ı hafife 31.478 Tedâvî 9.991 İlk muʻâvenet 8 Diş tedâvîsi 22.327 Evlerde muʻâyene 15.729 Evlerde tedâvî 15.177 Çocuk muʻâyenesi 15.177 Vazʻ-ı haml 132 Verem tedâvîsi 427 Verilen reçete mikdârı 10.522 Mekteb çocuklarının kalb ve cihâz-ı teneffüs ve hazmîlerinin muʻâyenesiyle ahvâl-i sıhhiye- lerini teftîş ve nezâret-i dâime altında bulundurmak üzere mekteblerde muʻâyene-i tıbbiye icrâsını Siyam Salîb-i Ahmeri derʻuhde etmişdir. Bundan mâʻadâ talebenin muʻayyen zamânlarda boy ve sıkletlerinin ve neşv ü nemâlarının taʻkîbi de Salîb-i Ahmere âiddir. Bu kısma âid vezâif burun, boğaz, kulak, göz ve diş mütehassıslarına tevdîʻ edilmişdir. Siyam'da hemen her sınıf insânlarda kesretle müşâhede edilen cüzâm illetiyle mücâdeleye Salîb-i Ahmer fevkalâde ehemmiyet vermiş ve bu âfeti âdetâ bir memleket mesʼelesi telâkkî etmişdir. Bangkok civârında miskînlere mahsûs bir koloni teşkîl edilmişdir. Hükûmet bu teşkîlât için îcâb eden arâzî ve mebâliği vermiş ve Salîb-i Ahmer'in mürâcaʻatıyla ahâlînin muʻâveneti de teʼmîn edilmişdir. Bangkok civârında Salîb-i Ahmer binâsında hafîf miskînler tedâvî edilmekdedir. Salîb-i Ahmer kolonisi 160 miskîni tedâvî ve himâye etmekdedir. _______________ MEKTEB ÇOCUKLARI İÇİN SÜT Ecdâdımızın ifrât ile medh etdikleri birçok edviye vardır ki, ilmin terakkiyât-ı hâzırası bunlara atfedilen ehemmiyeti hiçe indirdiği gibi nesilden nesile intikâl edip gelen bazı tedrîsât ve maʻlûmâtın sıhhat ve hakîkatini de bilakis teʼyîd ve tasvîbden hâlî kalmakdadır. Meselâ, eskiden âileler içinde vâlideler tabîbin fikir ve mütâlaʻasını almağa lüzûm görmeden yavrularına kendi kanaʻat ve ictihâdlarıyla balıkyağı verirlerdi. Fi'l-hakîka laboratuvarlarda yapılan tecrübeler ve hastahâne serîriyâtlarında tutulan müşâhede- lerle balıkyağının teʼsîrât-ı şifâ-bahşâsı tahakkuk etdiğinden bugün zaʻîf ve nahîf etfâl ve eşhâs için etıbbâ balıkyağını tavsiye etmekdedir. Binlerce seneden beri beşerin gıdâsına dâhil olan süt için de aynı hâl vâkiʻdir. Şu kadar ki, sütün kıymet ve ehemmiyet-i gıdâiyesi ancak pek yakın bir zamânda keşfedilmiş ve bugün süt mükemmel [210] bir gıdâ olmak üzere tanılmış olmakdan mâʻadâ mektebli çocukların taʻâmlarına ilâveten veril- diği takdîrde neşv ü nemâlarını teshîl ve teʼmîn edeceği de ilmen ve tecrübeten sâbit olmuşdur.