HİLÂL-İ AHMER MECMÛʻALARI / CİLT 7

2915 Beşinci Sene 6 Safer sene 1345 / 15 Ağustos 1926 Numara 60 Makâlât ve İʻlânât, Mecmûʻa Müdüriyeti'ne Gönderilmelidir. TÜRKİYE HİLÂL-İ AHMER MECMÛʻASI Derc Edilmeyen Evrâk ve Makâlât İʻâde Edilmez. Her Ayın On Beşinde Neşrolunur. Senelik abonesi bir liradır. Merciʻi: Yerebatan Câddesi'nde Hilâl-i Ahmer Merkezi. Telefon: İstanbul 2653 Mündericât: İctimâʻî Hıfzıssıhha – Mekteb Çocuklarında Kuvve-i Bâsıra – Fâreler – Bu Sıcaklarda Çok Küçük Çocuk Ölüyor – Hilâl-i Ahmer Havâdisi – Salîb-i Ahmer Havâdisi – Gençlik Salîb-i Ahmeri – Fransızca Kısmı – İngilizce Kısmı İCTİMÂʻÎ HIFZISSIHHA -33- Hastabakıcılık Teşkîlâtı Senelerden beri lüzûm ve ihtiyâcını idrâk etdiğimiz hâlde sıhhî ve ictimâʻî nokta-i nazardan noksân kalan bir teşkîlâtımız da hastabakıcılıkdır. Hastabakıcılık bizde eskiden hastahâne teşkîlâtı ile başlayarak bidâyetde sırf erkek efrâda mün- hasır kalmış ve tamâmen pratik bir şekil hâlinde kalmış idi. Bilhâssa askerî teşkîlâtda yeni kurʻa efrâdından özürlü, alîl ve kâbiliyeti nâ-kâfi olanlar tabîb, cerrâh ve tımârcılar maʻiyetine verilir, orada birkaç seneler geçirerek hastabakıcılığa çerâğ edilirdi. Kırım Muhârebesi'nde Florence Nightingale nâmında âlî-cenâb ve tamâmen şefkat ü rikkat his- leri ile meşbûʻ bir kadın gece gündüz yaralıların ve hastaların arasında kalarak, çalışarak bu sanʻatın daha ziyâde kadınlara âid olduğunu bütün dünyâya göstermiş oldu. Bu zamândan iʻtibâren hastaba- kıcılık memâlik-i müterakkiyede kadınlara münhasır olarak gâyet esâslı teşkîlât ve teʼsîsâta mazhar oldu. Bugün müstakil ve yüksek bir sanʻat hâlinde olan hastabakıcılık Almanya, İngiltere, Amerika, Fransa gibi memâlikde binler, yüz binlerce hür, müşfik, vazîfe-perver orduları ile iftihâr etmekdedir. Meşrûtiyeti müteʻâkib bütün müessesâtda olduğu gibi hastabakıcılıkda dahi bir teceddüd arzu edildi. Bu meyânda hastahâne, dispanser gibi müessesâtımızda yavaş yavaş kadın hastabakıcılar gö- rünmeğe başladı. Bunların bir kısmı hâdime şeklinde hastahânelerde birer vazîfe aldılar. Kâbiliyeti görülenler kısım kısım hastabakıcılığa tahvîl ve terfîʻ olunmakda idiler. Bu sebebden hastabakıcı kad- rosunda okuyup yazanlar arasında niʻmet-i ilm ü irfândan nasîbedâr olmayanlar dahi bulunuyordu. Şâyân-ı kayıddır ki, böyle bir zamânda ihyâen teʼsîs [554] edilen Hilâl-i Ahmer'in ilk hastaba- kıcıları bile Balkan Harbi'nde tamâmen erkek görünmüşlerdi.