HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 66 3274 1920 senesinde intişâra başlayan Norveç Salîb-i Ahmer Mecmûʻası 1924 ve 1925 senelerinde 6.600 kronluk bir vâridât-ı seneviye teʼmîn etmişdir. _______________ [229] MUKTEBESÂT Çorum refîkimizden: "-Hilâl-i Ahmer Cemʻiyât-ı hayriyemiz meyânında en ziyâde muvaffak olmuş, Cihân Harbi'nde, İstiklâl Muhâ- rebelerinde yurdumuzun her tarafından birçok mücâhidleri sîne-i şefkat ve ihtimâmında tedâvî ey- lemiş, vatanımızın istîlâ, harîk ve seylâb, hareket-i arz felâketlerine maʻrûz kalan aksâmındaki va- tandâşlara çok kıymetli yardımlarda bulunmuş olan bu şefkat ve insâniyet timsâli cemʻiyeti, Hilâl-i Ahmer'i muhîtimizde de bittabʻ bilmeyen, tanımayan bir ferd yokdur. Bu kadar ulvî hizmetler derʻuh- de eden ve bu büyük ve insânî işleri en parlak muvaffakiyetlerle başaran bu büyük cemʻiyetin başlıca menâbiʻ-i vâridâtı aʻzâsının taʻahhüdât ve teberruʻâtından ibâretdir. Muztarıb vatandâşların tehvîn-i âlâmına çalışan bir cemʻiyete intisâb büyük bir şeref olduğu için her yerde hattâ bazı nâhiyelerde bile Hilâl-i Ahmer'e mensûbiyetle müftehir binlerce aʻzâ vardır. Husûsât-ı hayriyeye ibzâl-i muʻâvenetde şimdiye kadar emsâli şehirlerden hiç geri kalmamış olan Çorum'da bu büyük cemʻiyetin yalnız kırk beş aʻzası olduğunu öğrenince mütehayyir ve bittabʻ müteessir olduk. Hilâl-i Ahmer'in Çorum'da da binlerce aʻzâsı olmaması halkımızın bu büyük cemʻiyete karşı alâkasızlığından değil, şübhesiz cemʻiyet mensûblarının cemʻiyete aʻzâ yazılmak için lâzımı vechile teşvîkde bulunmamalarından münbaʻis olduğuna kâniʻiz. Bugünlerde bu âlî cemʻiyete aʻzâ kaydolunmak için Çorum Hilâl-i Ahmer Şuʻbesi tarafından halkımıza mürâcaʻatda bulunulacakdır. Muhterem ve takdîrkâr Çorumluların bu daʻvete tehâlükle icâbet ederek çok samîmî olan kanâʻatimizi teʼyîd edeceklerini ümîd eyliyoruz. Müdür-i Mesʼûl: Arif Süleyman