HİLÂL-İ AHMER MECMÛʻALARI / CİLT 7

3287 Altıncı Sene 12 Ramazân sene 1345 / 15 Mart 1927 Numara 67 Makâlât ve İʻlânât, Mecmûʻa Müdüriyeti'ne Gönderilmelidir. TÜRKİYE HİLÂL-İ AHMER MECMÛʻASI Derc Edilmeyen Evrâk ve Makâlât İʻâde Edilmez. Her Ayın On Beşinde Neşrolunur. Senelik abonesi bir liradır. Merciʻi: Yerebatan Câddesi'nde Hilâl-i Ahmer Merkezi. Telefon: İstanbul 2653 Mündericât: Aʻzâ Kaydı Seferberliği – Hilâl-i Ahmer'in Câmiʻ ve Bayram Günleri – Abut Firârîleri – İctimâʻî Hıfzıssıhha: Vitamin Noksânlığı – Azerbaycan Hilâl-i Ahmeri – Alaşehir-Sarıkız Maʻden Suyunun Mukâvelenâme ve Şartnâmesi – Hilâl-i Ahmer Havâdisi – Muktebesât – Salîb-i Ahmerler Havâdisi – Fransızca Kısmı – İngilizce Kısmı AʻZÂ KAYDI SEFERBERLİĞİ Cemʻiyetimizin hâmî-i muʻazzamı Reîsicumhûr Gâzî Mustafa Kemal Paşa hazretlerinin Hilâl-i Ahmer aʻzâsı adedinin memleketin rüşd-i ictimâʻîsiyle mütenâsib olmasına ve bütün bu tenâsübü teʼmîn etmesine maʻtûf olan beyânât ve temenniyâtı, memleketin her tarafında bir şevk u şitâb ile karşılandığını peyderpey ictimâʻ eden vilâyet kongrelerinin müzâkerât ve mukarrerâtından istidlâl ediyoruz. Diğer cihetden Hilâl ve Salîb-i Ahmer gâyeleriyle alâkadâr mesâili muntazaman taʻkîb eden Beynelmilel Salîb-i Ahmer mehâfil-i âliyesinde de bu yüksek hitâbın bir hiss-i şükrân ile telâkkî edildiğini ve hattâ 1 Teşrîn-i Sânî nutkunun Hilâl-i Ahmer'e taʻalluk eden kısmı Cenevre Merkez-i Umûmîsi'nin vâsıta-i neşriyâtı olan mecmûʻa-i resmiyenin Kânûn-ı Sânî nüshasına aynen derc olun- duğunu görüyoruz. Kemâl-i şükrân ile kaydedelim ki, evvelce tahmîn etdiğimiz vech üzere şimdiden bir Hilâl-i Ahmer aʻzâ kaydı seferberliği açılmışdır. Bu seferberliğin vereceği velûd ve mesʻûd netâyicden çok emîniz. Hilâl-i Ahmer gibi vâsiʻ ve muntazam teşkîlâta mâlik bir müessese-i milliyenin terakkî ve in- kişâfı ancak halkın ekseriyet-i kâhiresinin aʻzâ kaydolunması ve mefkûre-i cemʻiyetin her tarafa ya- yılması sâyesinde teʼmîn edilebileceğini büyük mürşidimizin lisân-ı beyânıyla burada bir daha tekrâr ederken ecnebî memleketlerdeki millî Salîb-i Ahmer Cemʻiyetlerinin aded-i aʻzâsını ve bu aʻzânın nüfûs-ı memlekete nisbetini nâtık aşağıya derc etdiğimiz cedvelin bizim için mûcib-i teyakkuz erkâ- mına bilhâssa merkez ve şuʻbelerimizin nazar-ı dikkatini celb etmek isteriz.