HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 67 3299 tidâî bir tarzda telkîn eder ve bebeklerimizi bu şerâit dâiresinde büyütür, yetiştirirsek sıhhat ü âfiyet, tenâsüb-i endâm nokta-i nazarından dünyânın parmak ile göstereceği kadar kuvvetli gürbüz ve her şeye kâdir bir ırk olarak şahlanacağımıza hiç şübhe olamaz. AZERBAYCAN HİLÂL-İ AHMERİ Cihân Harbi'nde kanlı muhârebât ve musâraʻâta sahne olan Azerbaycan arâzîsinde 1920 se- nesinde teessüs eden Sovyet Hükûmeti bir saʻy-i rûz-efzûn ile teşkîlât-ı hükûmeti tanzîme ve 1914 târîhinden beri işgâl kuvvetlerinin memleketin zirâʻat ve sanâyiʻinde îkâʻ etdiği tahrîbâtı taʻmîre mu- vaffak olmuşdur. Azerbaycan, idâre-i sâbıka-i müstebiddenin asırlarca idâme etdiği zulüm ve tazyîkden kurtul- dukdan sonra faʻâl ve müstakil bir hayât-ı milliyeye kavuşmuş ve ancak 1923 senesinde bir Hilâl-i Ahmer Cemʻiyeti teʼsîs edebilmişdir. Sosyalist Şûrâ Cumhûriyetleri İttihâdı'na dâhil ve faʻâliyet ve teşkîlât-ı dâhiliyesinde tamâmen serbest ve müstakil bulunan Azerbaycan Hilâl-i Ahmer Cemʻiyeti akab-i teşekkülünde üç şeyi umde ittihâz etmişdir: 1-Şefkat-i beşeriye ve efkâr-ı insâniyet-perverîyi ve Hilâl-i Ahmer'in vezâif-i milliye ve beynel- mileliyesini neşr u taʻmîm ve cemʻiyet için aʻzâ kaydetmek 2-Faʻaliyetin tatbîkâtına muktezî vesâit-i mâddiyeyi taharrî ve ihzâr etmek 3-Cemʻiyet faʻâliyetinin hutût-ı esâsiyesini tesbît etmek Azerbaycan'ın pâyitahtı ve Sovyet İttihâdı'nın neft sanâyiʻ merkezi olan Bakü şehrinin umûm amele ve münevverleri Hilâl-i Ahmer teşkîli için vukûʻ bulan teşebbüs ve mürâcaʻatlara derhâl icâbet ederek aʻzâ kaydolundular ve bilâhare tertîb olunan "Hilâl-i Ahmer Haftası" için oldukça mühim bir muvaffakiyet-i mâliye teʼmîn etdiler. [246] Azerbaycan Hilâl-i Ahmeri Levâzım-ı Sıhhiye Antreposu Un entrepôt Médico-Sanitaire de la S.C.R. de lʼAzerbaidjan