HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 67 3309 Mâdde 25- Sâhib-i imtiyâz işbu maʻden suyundan şerâit-i sıhhiye ve fenniye dâiresinde istifâde etmek üzere Sıhhiye ve Ticâret Vekâletleri tarafından müştereken lüzûmu takdîr ve tesbît edilecek olan teʼsîsât ve inşââtda ve maʻden suyunu iʻmâl ve ihrâc ve cemʻinde ve suların muntazam şose veya şimendifere, araba ve otomobil ile her mevsimde nakliyâta sâlih [255] bir yol inşâsına, elli bin lira[lık] bir sermâye tahsîsine mecbûrdur. Mâdde 26- İşbu şartnâmenin iki, beş, altı, yedi, sekiz ve dokuzuncu mâddeleri ahkâmının tatbî- kinden dolayı Maʻâdin İdâresi'yle mültezim beyninde tahaddüs edecek ihtilâfât Şûrâ-yı Devletçe hall ü fasl olunur ve fakat bidâyeten üç aʻzâdan mürekkeb bir komisyon tarafından tedkîk edilir. Aʻzâdan biri Ticâret Vekâletince maʻden mühendisleri meyânından intihâb ve ikincisi mültezim tarafından nasb olunur. Bu iki aʻzâ, üçüncü aʻzâyı intihâb ederler. Edemedikleri takdîrde tarafeynden birinin mürâcaʻatı üzerine Sıhhiye Vekâleti tarafından üçüncü aʻzâ taʻyîn edilir. Hilâl-i Ahmer Merkez-i Umûmîsi Reîs Doktor Refik Ticâret Vekîli Mustafa Rahmi HİLÂL-İ AHMER HAVÂDİSİ Hilâl-i Ahmer Meclis-i Umûmîsi Nizâmnâme-i esâsînin otuz birinci mâddesi mûcebince her sene Nisan içinde ictimâʻ etmesi lâzım gelen meclis-i umûmî Büyük Millet Meclisi'nin ilk yevm-i ictimâʻı olan 23 Nisan'a musâdif Cumartesi günü Ankara'da ictimâʻ edecekdir. Vilâyet kongrelerinin inʻikâdı münâsebetiyle arz-ı taʻzîmâtı mutazammın çekilen telgrafnâmeler: Hilâl-i Ahmer İstanbul Merkezi 1927 senesi kongresinin inʻikâdı münâsebetiyle Kongre Reîsi İbrahim Talîʻ Bey tarafından arz-ı taʻzîmâtı mutazammın çekilen telgrafnâmelerle vârid olan cevâb- ların sûreti ber-vech-i zîrdir: Muhterem Reîsicumhûr Gâzî Mustafa Kemal Paşa hazretlerine, Hayır ve şefkat mesâʻîsinde büyük himâyenizden azim ve kuvvet alan Türk Hilâl-i Ahmeri'nin senelik ictimâʻını akdeden İstanbul Meclis-i Umûmîsi ilk şükrân vazîfesi olarak sizi taʻzîm ile selâmlar. Kongre Reîsi Doktor İbrahim Talîʻ Cevâblar: İstanbul Hilâl-i Ahmer Kongre Reîsi İbrahim Talîʻ Efendi'ye, C. Kongrenin hayırkâr mesâʻîsinde nâil-i muvaffakiyet olmasını temennî ile beyân-ı teşekkürât eylerim, efendim. Reîsicumhûr Gâzî Mustafa Kemal