HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 67 3344 âfât ve musîbetlerden biri vukûʻunda mümkün olan muʻâvenetde bulunmak, 4-Harb zamânındaki vazîfelerini yapmak için iktizâ eden levâzım ve vesâiti takarrür edecek mahallerde ihzâr ve iddihâr eylemek, 5-Ecnebî Hilâl ve Salîb-i Ahmerlerine îcâbında imdâd heyʼetleri göndermek şeklinde veyâhûd sâir sûretlerde muʻâvenetde bulunmak gibi pek âlî ve pek insânî vazîfelerle mükellef olan Türkiye Hilâl-i Ahmer Cemʻiyeti'ne aʻzâ kaydolunmağı herhangi bir Kilisli'nin temennî etmeyeceği butlânın- da tereddüd câiz olmayan bir iddiʻâ olur. Zîrâ Hilâl-i Ahmer'e hizmet, havâî bir nümâyiş değil, vatanî bir zarûret olduğunu her Kilisli bilir. Hilâl-i Ahmer'e her Türk aʻzâ olabilir. Cemʻiyetin dört kısım aʻzâsı vardır: 1-Muʻâvin aʻzâ 2-Aʻzâ 3-Dâimî aʻzâ 4-Fâhir aʻzâ Cemʻiyete her sene en az elli kuruş âidât verenler muʻâvin, bir lira iʻtâ edenler aʻzâ, defʻaten yüz lira verenler dâimî aʻzâ olabileceği gibi cemʻiyet nizâmnâmesinin husûsî mâddesindeki şerâiti îfâ edenler dahi fâhir aʻzâ unvânını alabilirler. Kilis'imizde cemʻiyetin bir şuʻbesi mevcûd ise de maʻatteessüf şimdiye kadar mevcûdiyetini halka ihsâs edecek hiçbir varlık eseri ve tezâhürü gösterememişdir. İhtimâl şuʻbeyi teşkîl eden zevât bu cânsızlığı, halkın rağbetsizliğine atfetmekdedirler. Alâ külli hâl Kilis'de bu şuʻbeyi tecdîde ve Hilâl-i Ahmer aʻzâsı adedini teksîr ve tezyîde ihtiyâc vardır. Çünkü cemʻiyetin omuzlarına [287] yüklendiği vezâif-i ânifeyi başka türlü başarmak imkânı yokdur. Bunun için bilhâssa gâzî ve dâhî reîsicumhûrumuz tarafından Türkiye Büyük Millet Meclis-i Âlîsi'nin bu seneki ictimâʻında îrâd bu- yurulan senelik nutukda da beyân olunduğu vechile târîh-i harb-i sıhhîde ve memleketin muʻâvenet-i ictimâʻiye târîhinde bir mevkiʻ-i mahsûs ihrâz etmiş ve Türkiye'de elli senelik bir kadem teessüse mâlik bulunmuş olan Türkiye Hilâl-i Ahmer Cemʻiyeti aʻzâ adedinin memleketin rüşd-i ictimâʻîsi ile mütenâsib bir dereceye varması ve bütün milletin bu tenâsübü teʼmîn etmesi lâzım ve zarûrî olduğu umûm Kilislilerce teslîm olunarak cemʻiyete aʻzâ kaydolunmak âlî ve insânî vazîfelerin en ehemmi- yetlisi, hattâ dînî ve vatanî farîzaların da en kıymetlisidir. Bundan kaçan bir Kilisli tasavvur olunamaz. Mahmud Ragıb " _______________ SALÎB-İ AHMERLER HAVÂDİSİ Amerika Mekteb çocuklarının muʻâyenesi Amerika Salîb-i Ahmer ziyâretçi hastabakıcıları geçen sene zarfında bir milyondan fazla mek- teb çocuğunun sıhhatini muʻâyene etmişlerdir.