HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 60 2940 Safiyullah Nizameddin Togan 25 " Abdurrahman Hüsameddin 50 " Ömer Bedreddin Talos 50 " Numan Nasibullah 200 " Hasan Nizameddin 150 " Mevludiddin Aynüddin 50 " Sıddık Sadık 50 " İbrahim Toktaş 150 " Fahreddin Bedreddin 150 " Ali Ömer 50 " Safa İsmail 50 " 2.405 " HİLÂL-İ AHMER HAVÂDİSİ Cemâhîr-i Müttefika Aʻmâlara mahsûs olup yüzde altmışı Amerika Salîb-i Ahmeri meʼmûrîninin çîre-dest himme- tiyle vücûda getirilen Braille usûlündeki âsâra 1926 senesinin ilk üç ayı zarfında roman, seyâhat- nâme, terceme-i hâl, târîh vesâireyi câmiʻ olmak üzere yeniden 61 kitâb daha ilâve edilerek âsâr-ı mezkûre yekûnu 347'ye bâliğ olmuşdur. Amerikaca pek maʻrûf olan sağır aʻmâ Mis Helen Keller, bu âsârın gerek hüsn-i intihâbında ve gerek alâ vechi's-sıhha aʻmâ lisân-ı tahrîrine naklinde gösterilen dikkat ü ihtimâma takdîrkâr bir lisânla işâret etdikden sonra Amerika Salîb-i Ahmer meʼmûrîni hakkında yine sitâyişi mutazammın şu sözleri de ilâve ediyor: "…Bu vesîleden bi'l-istifâde kalbimden taşan şükrân hisleriyle Salîb-i Ahmer hâdimîn-i gay- ret-verânının aʻmâlar için ibzâl etmekde oldukları mesâʻî-i mebrûre ve himem-i insâniyet-perverîye teşekkürâtımı arz u takdîm ediyorum. Bizi muhât olan karanlıklarda yıldızlar gibi parlayan o âsârın tezyîd ü teksîri emrinde masrûf olan bu fedâkârâne mesâʻîyi takdîsât-ı vicdâniye ile yâd ederim. Bü- tün hayâtında muhtelif mevzûʻlar üzerine yazılan âsârı mütâlaʻaya teşne bir insânım. Gören gözlerle kütübhânelerine gıbta ediyorum. Onlar istedikleri âsârı her şehirde kemâl-i sürʻat ve sühûletle tedârük etdikleri hâlde biz aʻmâlar, dest-i mütâlaʻadan artan birkaç cildi ekseriyâ ta uzaklardan istiʻâre etmek mecbûriyetindeyiz. Acaba bir gün gelecek midir ki, bizler de âsâr-ı müfîde ve mühimmeyi bulabilmek için vesâit-i kâfiyeye mâlik olalım? suâlini nefsime hitâb ederken bu yevm-i mesʻûdun uzak bulunmadığını ümîd ediyorum. Çünkü Salîb-i Ahmer aʻzâsı bî-şübhe bugünün ihzârına yardım edeceklerdir. ***