HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 61 2966 Memleketimizde verem mücâdelesinde gerek prevantoryum ve gerekse sanatoryumdan pek bü- yük fâideler meʼmûldür. Sıhhî büdcemizin vüsʻü dâhilinde bu müessesâtı bir tarafdan hükûmet teʼsîs etmekle berâber diğer tarafdan mahallî teşkîlâtının ve bilhâssa hayr u hasenât ile muttasıf ağniyânın kendilerine ebedî bir fahr u şeref verecek bu teʼsîsâtı velev ki küçük bir numûne de olsa bir an evvel teʼsîs etmeleri şâyân-ı temennîdir. Gerek teʼsîs masrafı ve gerekse idâme büdcesinin azlığı dolayısıyla hiç olmazsa şimdilik her vilâyetimizde birer prevantoryum teʼsîs edilerek genç neslin veremden muhâfaza ve himâyesi mem- leketimizin hâl-i hâzırda sıhhî-ictimâʻî bir ihtiyâc-ı mübremidir. Şunu hatırdan çıkarmamalıyız ki, prevantoryum ve sanatoryumların tedâvîdeki düstûr ve gâye- leri sâf havâ, bol gıdâ, sükûn u safâdan ibâretdir. FELÂKETE MAʻRÛZ OLAN BİR MAHALDE SALÎB-İ AHMER İMDÂD VE MUʻÂVENET TEŞKÎLÂTINA ÂİD İSTİHZÂRÂT-I UMÛMİYE Âfât ve mesâib-i umûmiyeye ve nâgehânî zuhûr edecek kazâlara karşı imdâd ve muʻâvenet teşkîlâtı en ziyâde Amerika Salîb-i Ahmeri'nde mazhar-ı tekâmül olduğundan teşkîlât-ı mezkûreye müteʻallik neşriyâtdan bizce kâbil-i istifâde olabilecek kısımları, memleketimizin ara sıra maʻrûz kaldığı harîk-ı hâil, hareket-i arz, tuğyân-ı miyâh vesâir bu gibi umûmî felâketlerde istifâde-bahş olur ümidiyle terceme ve merkezlerimize ithâf ediyoruz. -1- İttihâz Edilecek Tedâbîr Sath-ı arz üzerinde hiçbir havali âfât ve mesâib-i umûmiyeden masûn kalamıyor. Mesâib-i kev- niye hemen dâimâ ânî ve nâgehânî vukûʻ bulmasına mebnî herhangi bir Salîb veya Hilâl-i Ahmer merkez [5] ve şuʻbesinin mıntıka-i faʻâliyeti dâhilinde veya hem-hudûd bulunduğu mahâl ve mevâ- kiʻde muʻâvenet-i serîʻa ve müessireyi teʼmîne hâdim bazı tedâbîr ittihâzı îcâb eder. Binâenaleyh istihzârât-ı mahalliye için âtîdeki nukât-ı esâsiyenin nazar-ı dikkat ve ehemmiyetden uzak bulundu- rulmaması lâzımdır. Onlar da şudur: 1-Felâketin îrâs etdiği hasârın mâhiyeti 2-Merkez veya şuʻbenin bulunduğu mıntıka ve havâlînin en ziyâde maʻrûz kaldığı âfât 3-İhtiyâcâta karşı vesâit-i mevcûde -2- Âfât ve Mesâibin Avâkıb-ı Melhûzası Her âfet ve musîbet mutlakâ ölüm, maʻlûliyet-i dâime veya muvakkate, teşevvüş-i dimâğî, em- vâl-i şahsiye ve gayr-ı menkûle zâyiʻâtı gibi elîm netîcelerle nihâyet bulur.