HİLÂL-İ AHMER MECMÛʻALARI / CİLT 7

Türkiye Hilâl-i Ahmer Mecmû‘ası Sayı 61 2970 Muʻâvenet-i sıhhiye için mahallî hastahâneleriyle havâlî-i mütecâvirede lüzûm-ı âcil takdîrin- de hastahâne ve ambülans ittihâz edilecek mebânî ve eczâcı ve eczâ-yı tıbbiye, ticârethâne sâhibleri kayıd ve zabt olunacakdır. Hizmetlerinden istifâde edilecek kimselerin ve bilhâssa tabîb, hastabakı- cı, menâfiʻ-i umûmiyeye hâdim cemʻiyet aʻzâsı, otomobilcilerin ve hasbî olarak hizmet edeceklerin esâmî ve adresleri kemâl-i iʻtinâ ile zabt-ı defter edilecekdir. Otomobil ve kamyonlar vâsıtasıyla nakliyâtın sühûletle icrâ edilip edilemeyeceği nazar-ı dik- kate alınacakdır. Îcâbında kamp teʼsîsine yarayacak sutûh-ı müstevliye gösterilecek ve feyezân, yangın, iştiʻâl vesâire vukûʻunda zahîre ve meʼkûlâtın naklolunacağı mevâkiʻ taʻyîn edilmiş olacakdır. İşbu tahkîkât civâr mahallerin menâbiʻ ve vesâit-i muʻâvenetine de teşmîl olunacakdır. *** İmdâd ve Muʻâvenet Seferberliği Muʻâvenet komitesi maʻdenleri, bârûthâneleri, mühimmât-ı harbiye iʻmâlâthâneleri, enhârın geçdiği havâlî vesâire gibi âfât ve mesâibe en ziyâde maʻrûz kalan menâtıkdaki nukâtı gösterir bir cedvel ihzâr edecekdir. Bir âfet vukûʻunda sâlifü'z-zikr mahallere âid muʻâvenet vesâiti ve ittihâz olunacak tedâbîr planlar[ı] da ayrıca gösterilecekdir. İstahzârât ve Tedârükât-ı Mütekaddime Muʻâvenet komitesi, ân-ı felâketde hakk-ı rüchâna mâlik olmak üzere ekmekçiler, mevâdd-ı iʻâşe bâyiʻleri ve sütçülerle yapılacak mukâve[le]nâmeleri ihzâr edecekdir. Merkez ve şuʻbeler muʻayyen ve sarîh kontratolar sâyesinde lüzûmu olacak zahîre ve meʼkûlâtı derhâl tedârük edebileceklerinden azîm mikdârda bu gibi mevâddı iddihâra lüzûm kalmayacakdır. Hidemât-ı umûmiye ve bilhâssa itfâiye, polis, telefon ve telgraf mevkiʻleri, mahallî gezete idâ- rehâneleri ve merkez veya şuʻbe reîsinin âfet ve felâketden vakt ü zamânıyla haberdâr edilmesi için tertîbât-ı mahsûsa alınacakdır. (Mâbaʻdi var.) KUDUZDAN ŞÜBHELİ BİR HAYVÂN TARAFINDAN ISIRILAN BİR KİMSE HAKKINDAVÂCİBÜ'L-İTTİHÂZ TEDÂBÎR Kuduzdan şübheli bir hayvân tarafından ısıtılan şahsın nezdine daʻvet edildiğimiz zamân her şeyden evvel ısıran hayvân câlib-i nazar-ı endişemiz olmalıdır. Hayvân henüz ber-hayât ise itlâf edilmeyecek ve diğer kimseleri ısırmamak için bir yerde taht-ı muhâfazaya alınarak bir baytarın nezâret ve müşâhedesine verilecekdir. Şâyed ısıran hayvân hasta değil ise veya hiç olmazsa sekiz, on, on iki ve hattâ on beş gün dik-