HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 70 3486 tezâyüdünü mûcib olduğu bütün seyyâhların iʻtirâfâtı meyânına girmişdir. Amerika'da bugünkü şeker sarfiyâtı on sene evvelkine nisbetle yüz misli olmuşdur. 1924 senesi zarfında yalnız kandi/şekerleme için elli milyon dolarlık şeker sarf edildiğini yapılan istatistik[ler] gösteriyor. Halk şekerleme ve şekere ol kadar mübtelâ olmuşdur ki, bugünkü şişman zümrenin yegâ- ne sevdiği gıdâ hâline geçmekdedir. Şişmanlık ekseriyâ yirmi yaşından sonra bedʼ ederek kırk yaşına kadar aʻzamî derecesini alır. Kızların doğurdukdan sonra şişmanlamağa başladıkları görülür. Ahz-ı asker muʻâyeneleri neslin 20- 40 yaş arasındaki genç erkekleri arasındaki şişman ve zaʻîf tipleri bi-hakkın tefrîk eden bir usûl makâ- mında addedilebilir. Bundan mâʻadâ mekâtib-i resmiye rekordları genç neslin tombulluk ve şişmanlık yüzdesini gösterecek bir mâhiyete vâsıl olmakdadır. Bizde eskiden beri keder ve elemin zayıflatıcı esbâbı arasında mühim bir mevkiʻi olduğu maʻlûmdur. Fi'l-hakîka cümle-i asabiyenin teessürâtı altında vücûd temsîl ve muzâdd-ı temsîli lâyı- kıyla icrâ edemediği gibi bilhâssa iştihâ ve hazım gibi efʻâl-i fizyolojiyede pek ziyâde müteessir ola- rak şahıs günden güne zayıflamağa başlar. Buna mukâbil bütün şişmanların güler yüzlü, gam ve keder tutmaz, iyi kalbli ve hayırhâh oldukları da pek meşhûrdur. Bu nazariyeyi fenne tatbîk etmiş olur isek, bu karakterdeki eşhâsın cümle-i asabiyelerinin dâimâ rehâvetinden dolayı iştihâlarının pek ziyâde ve hazım fiʻlinin pek iyi olduğu netîcesi çıkar ki, bundan dolayı şişmanlayacakları da bedîhîdir. Biz yeni yetişen neslimize ve bilhâssa hanım kızlarımıza şişmanlıkdan fevkalâde korkmayarak cümle-i asabiyelerini istirâhatda bırakmalarını, beşûş ve pür-neşʼe bir hayât geçirmelerini tavsiye etmek mecbûriyetindeyiz. Ancak vücûdun semizlemeğe başladığı hissolunca muhakkak bir tabîb-i mahsûs tarafından muʻâyene ve onun tensîb edeceği tarz-ı hımye ve müdâvâtı taʻkîb ederek vücûdun şekl-i zarâfet ve tenâsübünü heyʼet-i ictimâʻiyenin arzusu dâiresinde himâye ve muhâfaza etmelerini tavsiye edeceğiz. Esâsen yeni neslin son senelerdeki mekteb hayâtı, jimnastik ve harekât-ı bedeniye taʻlîmleri, dans ve musikî âlemleri ve ictimâʻî hayâtın bütün modern safahâtı bu gibilerin endîşelerini tamâmen bertaraf etmekde ve vücûdun vezin ve muvâzenesini îcâb eden istikâmetde tevâzun etdire- rek şekl-i bedîʻî ve zarâfeti taht-ı teʼmîne almakdadır. [398] ÇOCUK DÜŞÜRME HAKKINDA BİR İSTATİSTİK Geçen sene çocuk düşürme vekâyiʻinden sonra görünen verem vefeyâtının çokluğundan bâhis ve nazar-ı dikkati celb bir makâle yazmışdım 1 . Neşretmiş olduğum istatistik bunu gösteriyordu. Bu hakîkaten bir fâciʻa idi ve bunu teşrîh ederek ne yapılabileceği teemmül olunmuşdu. Bu sefer de muhtelif yaşlarda görülen sıkt vekâyiʻinden bahsedeceğim. Bunlar da kezâ has- tahânemize mürâcaʻat eden hastalardan mürekkebdir. Nitekim 1926 senesi zarfında Haseki Hastahâ- nesi'ne 4.762 dühûl vardır. Bunlardan münhasıran 149'u muhtelif yaşlarda ve muhtelif aylık çocuk düşürenlerdir. Hastahâneye dâhil olan hastaların yüzde 3,7'sini teşkîl etmekdedir. Bu rakamı düşürülen çocuk yaşına göre taksîm edersek; 17 hasta Bir ve bir buçuk aylık 43 hasta İki ve iki buçuk aylık 1 Hilâl-i Ahmer Mecmûʻası , numara 53, sahîfe 292.