HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 70 3495 KASRU'L-BASARIN MÜHİM BİR SEBEBİ Çocuklar, bilhâssa tahsîl çağında bulunan etfâl, mütâlaʻa etdikleri şeylere pek yakından bakdık- ları için kasru'l-basara dûçâr oluyorlar. Vaktinden evvel hâsıl olan bu ârızanın önüne geçmek için çocukların pek yakından okumaları- na mâniʻ olacak esbâb ve tedâbîre mürâcaʻat etmek lâzımdır. Binâenaleyh: 1-Kitâb ve defterlerinin üzerine eğilmemeyi çocuklara sık sık hâtırlatmak ve bakdıkları kitâb veya yazı gibi şeyleri gözlerden lâ-ekal 35 santimetre uzak tutmak ve vücûda dik bir vazʻiyet vermek 2-İyice görmesine mâniʻ olan karanlıkda başını kitâba ve defterini gözlerine yaklaştırmağa ço- cuğu mecbûr etmemek için sınıflara kâfi derecede ziyâ ve aydınlık vermek 3-Okunan sahîfede müzʻic hiçbir gölge hâsıl etmemek için çocuğun lamba veya pencere vâsı- tasıyla alacağı ziyâyı mümkün oldukça sol cihetden vermek Hulâsa, kâriin vücûda dik bir vazʻiyet vermesi, tenvîrâtın ve mesâfe-i rüʼyetin kâfi ve mütenâ- sib olması şart-ı esâsîdir. Mekteblerde muʻallimlerin kemâl-i iʻtinâ ile tatbîk etmesi lâzım gelen bu tedâbîrin evlerde aynı iʻtinâ ile taʻkîbine ebeveyn nezâret edecekdir. Umûmiyetle çocukların kuvve-i bâsıraları tâm ve mükemmeldir. Beş buçuk yaşına kadar olan 20.000 çocuğun gözlerinde icrâ edilen tedkîkâtda yalnız birinin kasru'l-basara mübtelâ olduğu anla- şılmışdır. [406] Hâlbuki tahsîl zamânında zaʻf-ı basar mekteb çocuklarıyla dârülfünûn talebesine ârız olan meslekî bir hastalıkdır, denilebilir. Beşeriyetin bir nısfını güzellik istiʻmâline mecbûr eden bu ictimâʻî felâketin büyük bir kısmının önüne geçmek için yukarıda bir nebze bahsetdiğimiz gâyet basît tahaffuz çârelerini çocuklara kemâl-i ciddiyetle tatbîk etmeliyiz. HİLÂL-İ AHMER HAVÂDİSİ Bayram Tebriği Kurbân Bayramı münâsebetiyle Mecmûʻa kâriîn-i muhteremesine en hâr tebrîkâtını takdîm eder. _______________ Nisan'ın 23'ünde inʻikâd eden Hilâl-i Ahmer kongresi dört teftîş mıntıkasını altıya taksîm ve müfettişlerin adedini de altıya iblâğa karâr vermiş ve keyfiyeti merkez-i umûmîye havâle etmiş idi. Ahîren merkez-i umûmî heyʼet-i idâresi bu taksîmâtı âtîdeki tarzda tesbît ve müfettişler taʻlîmât- nâmesinin buna taʻalluk eden mâddesini ona göre taʻdîl etmişdir. Bi'n-netîce evvelce çok vâsiʻ olan teftîş sâhaları taksîr edilmiş olduğundan müfettişlerin daha sık ve daha mazbût bir sûretde icrâ edecekleri teftîşât netâyicinin geçen seneye nazaran daha müfîd olacağı görülmekdedir.