HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 70 3510 SALÎB-İ AHMERLER HAVÂDİSİ İmparatoriçe Shôken Vakfı Sulh zamânlarında muhtâcîn ve felâketzedegâna yapılan muʻâveneti teşcîʻ maksadıyla 1912 senesinde inʻikâd eden Washington Beynelmilel Salîb-i Ahmer Konferansı'na Japon Salîb-i Ahmeri tarafından İmparatoriçe Shôken nâmına yüz bin yen (bir yen = 2,56 frank) tevdîʻ edilmiş idi. Beynelmilel Salîb-i Ahmer Komitesi'nin idâre ve tenmiye etdiği bu meblağın her sene getire- ceği îrâdı Salîb ve Hilâl-i Ahmer Cemʻiyetlerinden mürâcaʻat edeceklere ihtiyâcları nisbetinde tevzîʻ edilmekde olduğundan bu sene de 18.000 İsviçre frangı tarz-ı âtîde taksîm edilmişdir: Verem mücâdelesi için Avusturya Salîb-i Ahmeri'ne 3.000 frank Bulgar Salîb-i Ahmeri Samariten kursları teşkîlâtıyla Yanbolu'da Bulgar Muhâcirine Yardımevi'ne 2.000 frank Beynelmilel Salîb-i Ahmer Cenevre Merkez Komitesi tarafından tertîb olunan beynelmilel meʼmûrîn-i sıhhiye müsâbaka masârıfına 13.000 frank _______________ İsviçre İçki mücâdelesi İsviçre Salîb-i Ahmer Heyʼet-i İdâresi geçen Şubat ictimâʻında içki mücâdelesine iştirâk etme- ğe karâr vermişdir. Bu ictimâʻda Salîb-i Ahmer'in bi'l-cümle hıfzıssıhha mesâilini büyük bir alâka ile taʻkîb [418] etmesi vezâif-i asliyesinden olduğu nazar-ı mütâlaʻaya alınarak mesâil-i siyâsiyeye aslâ müdâhale etmemek şartıyla meşrûbât-ı küûliyenin ifrât derecede istiʻmâline karşı mücâdele vesâitinin imkân ve müsâʻadesi dâhilinde îfâ-yı hizmete karâr vermiş ve keyfiyet İsviçre merkez-i umûmîsince de tasvîb edilerek içkinin tehlike ve mazarratlarına dâir merâkiz ve şuʻabâtda tertîb olunacak halk konferansla- rına âid mevzûʻların ihzârına başlanmışdır. _______________ Amerika Florida Felâketi Hükûmât-ı Müttehide-i Amerika'da Florida kıtʻasının Miami havâlîsinde Eylül'ün on sekizinde zuhûr eden bir şiddetli kasırga netîcesinde yüzlerce nüfûsun telef olduğunu, binlerce insânın mes- kensiz kaldığını ve hasârât-ı mâddiyenin 150 milyon dolar tahmîn edildiğini geçen nüshalarımızdan birinde haber vermiş idik. Amerika Salîb-i Ahmeri'nin Mart'da hitâm bulan Florida muʻâvenet faʻâliyeti âfât ve mesâib-i umûmiye için şimdiye kadar yapdığı muʻâvenetlerin en mühimlerinden maʻdûddur. Fi'l-hakîka Florida felâketi 80.000 kişi tahmîn olunan 24.500 âileyi bir mahrûmiyet-i kâmile içinde bırakmış idi. Felâketzedeler için sarf olunan 4.000.000 dolardan Amerika Salîb-i Ahmeri'ne isâbet eden mik- dâr 650.000 dolardır. Bu dört milyon dolardan 2.230.812 doları harâb olan mebânînin yeniden inşâsına ve 460.316 doları mefrûşât mübâyaʻasına ve mebâliğ-i mütebâkiye de melbûsât, meʼkûlât ve muʻâvenet-i tıbbi- yeye ve inşâât devâm etdiği müddetçe felâketzedelerin infâk u iʻâşesine sarf edilmişdir.