HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 70 3515 İtalya-Macar Salîb-i Ahmer İʼtilâfnâmesi İtalya Salîb-i Ahmer aʻzâsının Macaristan'da ve Macar Salîb-i Ahmer aʻzâsının da İtalya'da müddet-i ikâmetleri esnâsında mazhar-ı teshîlât olmaları maksadıyla bu iki memleket Salîb-i Ahmer Cemʻiyetleri arasında bir iʼtilâfnâme tanzîm edilmişdir. Evvelce Amerika Salîb-i Ahmeri'yle İtalya ve Macar Salîb-i Ahmerleri arasında aynı maksadla birer iʼtilâfnâme imzâ edilmiş idi. _______________ [422] Macaristan Salîb-i Ahmer Takvîmi Macar Salîb-i Ahmeri 1927 senesine mahsûs neşretdiği takvîmden 25.000 nüsha tabʻ etdirmiş- dir. Bu takvîm zarîf bir cild içinde kitâb şeklinde basılmışdır. _______________ Norveç Bulgar Muhâcirlerine Muʻâvenet Norveç Salîb-i Ahmeri Bulgar muhâcirleri için evvelce gönderdiği 2.500 franga ilâveten ahîren 3.816 frank daha irsâl etmişdir. _______________ MUKTEBESÂT Antalya refîkimizden: "-Hilâl-i Ahmer Hilâl-i Ahmer teşkîlâtı, tetebbuʻa şâyân bir mevzûʻdur. Reîsicumhûr hazretleri kıymetdâr bir nutuklarında bu mevzûʻa temâs buyurmuşlar ve Hilâl-i Ahmer aʻzâ adedinin milletin rüşd-i ictimâʻî- siyle mütenâsib olması lüzûmunu kaydetmişlerdir. Türk milleti ictimâʻî ve siyâsî rüşdünü isbât etmişdir. Binâenaleyh sâbit bir mikyâs dâhilinde Hilâl-i Ahmer teşkîlâtına vüsʻat vermek, isbât edilmiş olan rüşd-i ictimâʻînin îcâbâtındandır. On beş, yirmi gün evvel Hilâl-i Ahmer Meclis-i Umûmîsi Ankara'da senelik ictimâʻını akdederek büdcesini yapmış ve bu münâsebetle teşkîlâtının inkişâfına müteʻallik nokta-i nazarını ve daha geniş bir mesâʻî esâsı tesbît etmişdir. Bu esâs dâhilinde yürümek hepimiz için bir farîza-i ictimâʻiyedir. Trablusgarb, Balkan, Harb-i Umûmî ve İstiklâl Muhârebelerinde gösterdiği fedâkârlık ve yapdığı hizmetle memle- ketimizin târîh-i harb-i sıhhî ve askerîsinde bir fasl-ı mahsûs açan Hilâl-i Ahmer'e yardım etmek basît esâslar dâhilinde hepimiz için mümkündür. Bu imkânın işâret etmek istediğimiz ilk şekli aʻzâ kaydol- makdan ibâretdir. Diğer milletlerin Salîb-i Ahmer teşkîlâtının vüsʻatini ifâde eden aʻzâ adedi yanında Türkiye Hilâl-i Ahmer aʻzâsının adedi çok azdır. Fransa'nın 95.000, İsviçre'nin 72.000, Belçika'nın 50.000, Danimarka'nın 136.000, İsveç'in 80.810, Amerika'nın 20.000.000 Salîb-i Ahmer aʻzâsı var- dır. Ayrıca Amerika Gençlik Salîb-i Ahmeri on bir milyon aʻzâya mâlikdir. Dünyânın bu kısımlarında