HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 70 3517 Malatya refîkimizden: " -Hilâl-i Ahmer Iztırâb ve felâket zamânlarında bir ana şefkatiyle imdâdımıza koşan Hilâl-i Ahmer, memle- ketimizde en ziyâde muvaffak olmuş, içden ve rûhdan sevilmiş bir cemʻiyet ve bir müessese-i hayr u hasenâtdır. Bugün aramızda harb u darb görmüş, musibet ve felâketin kara ve korkunç çehresiyle karşılaşmış [424] ne kadar vatandâş varsa onlar, bu kırmızı ayın ne büyük ve ne yüksek bir hüviyet olduğunu bilirler. Uzun harb senelerinde cebheden ta gerilere kadar uzayan ölüm ve elem diyârların- da elimizden tutan, bizi bağrına basan hep o idi. Yetîmlerin, yoksulların, hastaların penâ[h]gâhı olan kırmızı ay, Türk merhametinin, Türk necâbetinin, Türk şefkatinin bir timsâlidir. Yarın şehrimizde senelik meclis-i umûmîsini akdedecek olan Hilâl-i Ahmer, bu sene ihtimâl arzu edildiği derecede bü- yük bir aʻzâ kalabalığı gösteremeyecekdir. Fakat merhamet ve şefkati, dindârlığı, hayr u hasenâtıyla maʻrûf olan şehrimiz halkının esâsen tabîʻî olarak aʻzâsı bulundukları Hilâl-i Ahmer'e senede birer lira varaka-i nakdiye gibi cüzʼî bir muʻâvenetle usûlen aʻzâ kaydedileceklerine şübhe etmiyoruz. Bu fazîlet ve şefkat cemʻiyetine intisâb sûretiyledir ki, rûhumuzun elem ü ıztırâba karşı hassâsiyetini görmüş olacağız. Hilâl-i Ahmer öyle bir cemʻiyetdir ki, kalbi, vicdânı, idrâki olan bir insân, kendini bu cemʻiyete intisâbdan müstağnî addedemez. O, hakka giden en doğr[u] yollardan biridir. Akgün " Müdür-i Mesʼûl: Arif Süleyman [425] HİLÂL-İ AHMER'İN CÂMİʻ VE BAYRAM GÜNLERİ Salîb-i Ahmerler veya diğer bütün müessesât-ı hayriye gibi Hilâl-i Ahmer de erbâb-ı hayr u hasenâtın muʻâvenât-ı mâddiye ve maʻneviyeleriyle yaşar ve inkişâf eder. Harb-i Umûmî esnâsında teʻâvün kuvvetlerini pek ziyâde yükselten Salîb-i Ahmerler vâridât menâbiʻi bulmak için muhtelif vâsıtalara mürâcaʻat etmişlerdi. Bu vâsıtalardan biri de Cemâhîr-i Müttefika-i Amerika'da ve İngiltere'de "Church Day", yani "Kilise Günü" taʻbîr olunandır. Bu iki memleketin Salîb-i Ahmer Cemʻiyetleri, senenin birkaç muʻayyen gününde bütün kiliselerde para toplamak usûlünü tatbîk eylemek sûretiyle pek parlak muvaffakiyetler elde etmişlerdir. Amerika ve İngiliz Salîb-i Ahmerlerinin vâridât fasıllarından en mühimmini teşkîl eden Kilise Günü, bu iki cemʻiyete mühim vâridât teʼmîn ediyor. Hilâl-i Ahmer de "Câmiʻ ve Bayram Günleri"ni ihdâs etmişdir. Maʻlûmdur ki, İstanbul'da Ra- mazân Bayramı'nın ilk günü, Hilâl-i Ahmer'in Çiçek Günü'dür. Bu âdet bâki kalmakla berâber Ra- mazân ve Kurbân Bayramlarının ilk günleri Câmiʻ Günleri ittihâz ediliyor. Bu iki mübârek günde bayram namâzına giden her müslümân câmiʻ-i şerîfe konacak bir kutu veya tepsiye, gönülden ne ko- parsa atar. Bu âdet, Türkiye Cumhûriyeti'nin en küçük köylerindeki câmiʻlere kadar teşmîl edilebilir.