HİLÂL-İ AHMER MECMÛʻALARI / CİLT 8

3532 Altıncı Sene 17 Muharrem sene 1345 / 15 Temmuz 1927 Numara 71 Makâlât ve İʻlânât, Mecmûʻa Müdüriyeti'ne Gönderilmelidir. TÜRKİYE HİLÂL-İ AHMER MECMÛʻASI Derc Edilmeyen Evrâk ve Makâlât İʻâde Edilmez. Her Ayın On Beşinde Neşrolunur. Senelik abonesi bir liradır. Merciʻi: Yerebatan Câddesi'nde Hilâl-i Ahmer Merkezi. Telefon: İstanbul 2653 Mündericât: Büyük Gâzî'nin İstanbul'u Teşrîfleri – İctimâʻî Hıfzıssıhha – İnsânlara ve Meskenlere Musallat Olan Tufeylî Hayvânlar – Abdülhak Hâmid Bey'in Bir Şiʻri – Hilâl-i Ahmer Havâdisi – Salîb-i Ahmer Havâdisi – Fransızca Kısmı – İngilizce Kısmı [431] BÜYÜK GÂZÎ'NİN İSTANBUL'U TEŞRÎFLERİ Cemʻiyetimizin hâmî-i muʻazzamı Reîsicumhûr Gâzî Mustafa Kemal Paşa hazretlerinin İstan- bul'u teşrîfleri halk üzerinde tasavvur edilemeyecek bir heyecân uyandırmış ve müşârunileyh hazret- leri fevkalâde tezâhürâtla istikbâl edilmişdir. Hilâl-i Ahmer İstanbul Merkez ve şuʻbeleri nâmına arz-ı taʻzîmâta Reîs Doktor Ali Paşa ve İstanbul Merkezi Vezne Murâkıbı Safiye Hanım, Anadoluhisarı kazâ şuʻbesi tarafından Reîs Hasib Bey, Üsküdar kazâsı şuʻbesi tarafından Reîs Sıbgatullah Bey, Beyoğlu kazâsı şuʻbesinden Reîs Ab- dürrezzak Bey meʼmûr olmuşdur. Türkiye Hilâl-i Ahmer Mecmûʻası , cemʻiyetin hâmî-i muʻazzamı ve İstanbul'un azîz ve muhte- rem misâfiri büyük halâskâra bu vesîle ile de en hâr taʻzîmâtını takdîm eder. [432] İCTİMÂʻÎ HIFZISSIHHA -44- Al Gömlekden Tahaffuz Bundan takrîben beş sene evvel oluyor ki, Şikago'da Dick nâmıyla benâm karı koca iki doktor bütün dünyâda münteşir ve eskiden beri çocukların mühlik bir düşmanı sayılan bu hastalığa karşı mukâvemet ve tahaffuz çârelerini düşünmeğe ve aramağa başlamışlar idi. Gece gündüz mütemâdî mesâʻîler sâyesinde yorulmak bilmeyen bu iki müdekkik iki sene sonra meydâna bir tecrübe ve teʻâ-