HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 71 3540 [440] HİLÂL-İ AHMER Kalb-i milletde Hilâl-i Ahmer Bir senâdır ebediyen muzmer Hem-reh-i feyzi duʻâ-yı maʻbûd Onun olmakda ıyânen meşhûd Der u dârında da rahmâniyet Yüce bir sahne-i rikkat yâhûd Bir küçük âlem-i insâniyet Ki fenâdan da münezzeh, mesʻûd Beşerî encüme mâlik o semâ Ebediyetle bulur neşv ü nemâ Olamaz encüm ü ecrâma hudûd Onda her şey buluyor hüsn-i hitâm Yarım insânlar, evet, olmada tâm Görülür her biri bir kurretü'l-ayn Yeniden âile bulmuş eytâm Yeni evlâda kavuşmuş ebeveyn Gülerek etmede isbât-ı vücûd Dolaşır onda mesîhî bir rûh Mâniʻ-i darb-ı ecel bir kuvvet Hastalar sıhhate eyler avdet Ve şifâ bulmada birçok mecrûh Ediyor sanki melekler hizmet Beşeriyetdir olan gerçi velûd Hem de bir âbide olmuş o binâ Beklemez medh u senâ âbideler Sanki gökden inerek mâideler Fukarâ kitleyi eyler ağnâ Adı yoksulluğun olmuş mefkûd Ona bizden olacak medh u senâ Olamaz medh u senâdan maʻdûd Abdülhak Hâmid