HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 71 3581 Yılancık - - - - Nisâî (kadın) hastalıkları - 15 - 15 Sâir hastalıklar 18 18 7 43 Hâricî hastalıklar 4 7 11 22 Yekûn 92 121 53 266 SALÎB-İ AHMERLER HAVÂDİSİ Heyʼet-i İttihâdiye yâhûd Lig 4 Mayıs'dan 7 Mayıs'a kadar devâm eden ictimâʻ-ı umûmîsinde heyʼet-i ittihâdiye, teşkîlât-ı dâhiliyesinde ber-vech-i âtî taʻdîlâtı icrâya karâr vermişdir: 1-Heyʼet-i ittihâdiyenin teşkîlâtını sâdeleştirmek maksadıyla yeniden üç reîs-i sânîlik ihdâs edilmişdir. 2-Reîs-i Sânîler iki sene müddetle meclis-i müdîrân tarafından intihâb olunacak ve müddetleri hitâm bulanların tekrâr intihâbları câiz olacakdır. Reîs-i sânîlerin intihâbında dünyânın büyük coğrafî taksîmâtı nazar-ı dikkate alınacakdır. Kitâbet-i umûmiyenin icrâât ve mesâʻîsine ve ligin diğer müessesâtla münâsebâtına ve lig aʻzâ- sından bulunan millî Salîb-i Ahmer Cemʻiyetleri nezdinde temsîline reîsin gaybûbetinde irâʼe ve taʻyîn edeceği üç reîs-i sânîden birinin nezâret-i umûmiyesi olacakdır. Reîsin gaybûbetinde üç reîs-i sânîden diğer biri de heyʼet-i idâre ictimâʻlarında ve meclis-i müdîrâna reîse refâkat edecekdir. [479] Heyʼet-i idâre meclis-i müdîrân reîsi ile reîs-i sânîlerden ve meclis-i müdîrân için iki sene müddetle müntehab altı aʻzâdan teşekkül edecek ve her sene üç aʻzâsı değişecekdir. Ligin müdüriyet-i umûmiyesi ilgâ edilecek ve reîsin emir ve idâresinde olmak üzere meclis-i müdîrânınca intihâb olunacak bir kâtib-i umûmîlik ihdâs olunacak ve kâtib-i umûmî meclis-i müdîrân ile heyʼet-i idârenin vazîfe-i kitâbetini îfâ edecekdir. Meclis-i müdîrân tarafından intihâb edilmek üzere ayrıca bir fen müşâvirliği ihdâs olunacakdır. Ligin nizâmnâme-i esâsî ve dâhilîsi işbu taʻdîlât dâiresinde tedkîk ve tashîh olunacakdır. *** Ligin fahrî reîs-i sânîliğine ittifâk-ı ârâ ile intihâb edilmiş olan Fransız Salîb-i Ahmer Reîsi General Pau kesret-i meşgûliyetine binâen bu vazîfeyi kabûl etmemişdir. Meclis-i müdîrânın gelecek ictimâʻında fahrî riyâset-i sâniyeye Fransız mehâfil-i âliyesine mensûb bir zâtın intihâbı tasavvur edilmekdedir. ***