HİLÂL-İ AHMER MECMÛʻALARI / CİLT 8

3603 Altıncı Sene 18 Safer sene 1346 / 15 Ağustos 1927 Numara 72 Makâlât ve İʻlânât, Mecmûʻa Müdüriyeti'ne Gönderilmelidir. TÜRKİYE HİLÂL-İ AHMER MECMÛʻASI Derc Edilmeyen Evrâk ve Makâlât İʻâde Edilmez. Her Ayın On Beşinde Neşrolunur. Senelik abonesi bir liradır. Merciʻi: Yerebatan Câddesi'nde Hilâl-i Ahmer Merkezi. Telefon: İstanbul 2653 Mündericât: İctimâʻî Hıfzıssıhha – İnsânlara ve Meskenlere Musallat Olan Tufeylî Hayvânlar – Yıldırım Darbesi – Tesemmüm Vakʻalarında Müdâvât-ı Evveliye – Şiʻr: Yaralının Bayramı – Hilâl-i Ahmer Havâdisi – Salîb-i Ahmer Havâdisi – Fransızca Kısmı – İngilizce Kısmı İCTİMÂʻÎ HIFZISSIHHA -45- Yüzme Havuzlarının Ehemmiyet-i Sıhhiyesi Vücûd temizliğinin hıfz-ı sıhhat nokta-i nazarından lüzûm ve ehemmiyeti meydâna çıkdıkdan sonra bu temizliği teʼmîn edegelen yıkanmak, banyo yapmak ve hammâma girmek gibi husûsâta pek ziyâde kıymet verilegelmişdir. İnsânlar bidâyetde bittabʻ pek ibtidâî ve sâde bir tarzda yıkanırlar idi. Ecdâdımızın ekseriyâ vücûd temizliğini teʼmîn etmek üzere dere ve ırmak kenârlarına koştuklarını, kumlu sâhillere, kuyu başlarına toplandıklarını ve burada kış ve yaz tabîʻî sûretde ısınmış ve mevsime tâbiʻ derece-i harâ- retde gerek tatlı ve gerek acı tuzlu sular ile yıkandıklarını anlamaktayız. Asırlar yürüdükçe, medeniyet ilerledikçe suyu vücûdun sevdiği derece-i harâret[d]e ısıtmak ve sırf yıkanmağa mahsûs müesseseler inşâ ederek kapalı yerde istihmâm etmek usûlü kabûl edilmiş ve bu müesseselerden en şöhretlisi bütün dünyâca maʻrûf olan Türk hammâmları olmuşdur. Fi'l-hakîka eskiden beri muʻazzam kubbeli, müteʻaddid kornalı ve göbek taşlı Türk hammâmları pek meşhûr idi. Burada miʻmârlar bütün dikkat ve mahâretlerini sarf ederek en nefîs âsâr-ı miʻmâriye yaratma- ğa saʻy etmişler ve ecdâdımız da bu gibi yerlerde yıkanırken pek ziyâde zevk u neşât duymuşlardır. Sunʻî sûretde ısınan bu kadîm Türk hammâmlarında yüzecek havuzlar inşâ olunmuyor idi. An- cak tabîʻî sûretde kaynayan kaplıca ve ılıcalarda müdevver, beyziyyü'ş-şekl koca havuzlar inşâ olu- nuyor ve bu gibi kaynarcalara da bittabʻ ve ale'l-ekser marîz ve aliller, nukahâ devâm edegeliyor idi. Türk hammâmlarının letâfet ve şöhreti devâm etmekle berâber garbda yıkanmak, vücûd te- mizliği yapmak üzere ayrıca ve husûsî inşâât teessüs etdi. [494] Bu da ale'l-ekser tuvalet mahalleri dâhilinde veya ona mülâsık olmak üzere yapılan banyolardır.