HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 72 3617 HİLÂL-İ AHMER HAVÂDİSİ Genç Türk Hanımlarına Türkiye Hilâl-i Ahmer Cemʻiyeti Merkez-i Umûmîsi yüksek bir fikr-i insânî ile İstanbul'da bir hastabakıcı mektebi teʼsîs etmişdir. Bu azîz ve şerefli mesleğin mensûbîni müstesnâ bir mevkiʻ sâhibi olmakda ve her yerde el üs- tünde tutulmakdadır. Hastabakıcılığın son senelerde vâsıl olduğu tekâmül ve teceddüdât sıhhî, ictimâʻî kadrolarda mensûbînine hemen tabîb muhassesâtına karîb bir maʻâş teʼmîn etmekdedir. Genç Türk Hanımları! Sizi parlak bir istikbâle nâmzed kılan bu ulvî ve mukaddes mesleğe hiç tereddüd etmeksizin intisâb ediniz. Kayıd ve kabûl muʻâmelesi Eylül'den iʻtibâren başlıyor. Hemen mekteb idâresine mürâcaʻat ediniz. _______________ Ankara Cemʻiyet-i Umûmiye-i Belediyesi'nin Âlî-cenâbâne Teberruʻu Ankara Cemʻiyet-i Umûmiye-i Belediyesi'nin bu devre-i ictimâʻiyesinde aʻzâdan İstanbul Ec- zâhânesi [507] Sâhibi Hüseyin Hüsnü Beyefendi tarafından verilen bir takrîr üzerine Ankara'da Ye- nişehir'de Hilâl-i Ahmer Merkez-i Umûmî binâsı yapılmak üzere iki bin metre murabbaʻı mikdârın- da bir arsanın teberruʻan ferâğına karâr verilerek keyfiyet Ankara Şehremâneti'nden Hilâl-i Ahmer Merkez-i Umûmîsi'ne bildirilmişdir ve binâ yaptırılmak üzere merkez-i umûmîce planlar ihzârına başlanılmışdır. Yenişehir'deki arsaların beher metre murabbaʻının 7-8 liradan satılmakda olduğu ve Hilâl-i Ah- mer'e teberruʻ edilen arsanın ale'l-husûs 40 metrelik câdde üzerinde ve muʻtenâ bir mevkiʻde bulun- duğu nazar-ı iʻtibâra alınırsa mezkûr arsanın asgarî on beş bin lira kıymetinde bulunduğu derkârdır. Teberruʻ-ı vâkiʻden dolayı Ankara Cemʻiyet-i Umûmiye-i Belediyesi'ne ve Şehremâneti'ne merkez-i umûmîce teşekkür edilmişdir. Mecmûʻâ mız dahi Ankara şehir mümessillerinin ve ale'l-husûs takrîr vermek sûretiyle teberruʻ-ı vâkıʻa delâlet buyuran İstanbul Eczâhânesi Sâhibi Hüseyin Hüsnü Beyefendi'nin bu kadir-şinâsâne hareketini memnûniyet ve takdîrlerle karşılar. _______________ Maden Suyu Satışı Ahîren inʻikâd eden Hilâl-i Ahmer Heyʼet-i İdâresi, Afyonkarahisar Maʻden Suyu satışının sâ- lim bir hâle ifrâğını tezekkür ederek İstanbul'da büyük bir depo teʼsîsini ve cemʻiyet nâmına satış yapılmasını ve Trakya ve Karadeniz sâhillerinden vâkiʻ olacak su taleblerinin doğrudan doğruya de- poya mürâcaʻat sûretiyle tesviyesini taht-ı karâra almışdır. Teʼsîs edilecek depo satış meʼmûrluğuna merkez-i umûmînin sâbık Anbâr Eczâ Şuʻbesi Meʼmûru Nuri Bey taʻyîn kılınmışdır. Bundan başka, Anadolu dâhilinde de iki satış deposu vücûda getirilecek ve dâhilden vukûʻ bu- lacak su talebleri bu depolara bildirilecekdir. Şu sûretle Anadolu dâhilinden maʻden suyu getirtmek isteyen bâyiʻler İstanbul'dan celb etmek gibi hem zamân gâib etmekden hem de nakliyât ücreti pahâ- lılığından vâreste kalacaklardır.