HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 72 3646 [529] Karadeniz Ereğlisi Merkezi'nin 1 Nisan [1]927 târîhinden 30 Haziran [1]927 târîhine kadar Makbûzât Âidât 3.300 Pul hâsılâtı 10.000 13.300 Teʼdiyât Pul beyʻiyesine verilen 1.000 Yekûn 1.000 SALÎB-İ AHMERLER HAVÂDİSİ Florence Nightingale Madalyası Hilâl ve Salîb-i Ahmer Merkez-i Umûmîlerinden gösterilecek nâmzedlerden tefrîk edilecek on iki hastabakıcıya her iki senede bir Mis Florence Nightingale'in yevm-i vilâdetine musâdif olan 12 Mayıs'da tevzîʻ edilmek üzere Beynelmilel Cenevre Merkez Komitesi tarafından fedâkâr ve âlî-cenâb mis nâmına bir madalya ihdâs edildiği maʻlûmdur. Ahîren Cenevre merkezinin 1927 senesine mahsûs neşretdiği listede Almanya, Belçika, Bre- zilya, Cemâhîr-i Müttehide-i Amerika, Fransa, İngiltere, Yunan, Macar, İtalya, Japonya, Lehistan, Litvanya Salîb-i Ahmerlerinin gösterdikleri nâmzedler bulunmakdadır. _______________ İtalya Bari'deki Yeni Bir Hastabakıcı Mektebi Roma, Napoli, Milano, Cenova şehirlerindeki Salîb-i Ahmer hastabakıcı mekteblerine mübâşih bir mekteb de ahîren Bari'de teʼsîs ve küşâd edilmişdir. Bu mektebde hastahâne, ziyâretçi ve mekteb hastabakıcıları yetişecek ve mekteb dârülfünûna merbût bulunacakdır. Dersler dârülfünûn serîriyâtında müdür ve mümessillerinin nezâreti altında verilecek ve tedrîsât iki seneye mahsûs olacakdır. Tamâmıyla ihtiyârî olan üçüncü sene husûsî bazı derslere tahsîs kılınacakdır. Salîb-i Ahmerlerle diğer bazı müessesâtın hasbî hastabakıcıları mektebin ikinci senesi derslerine bilâ-imtihân kabûl edil- mezden evvel istiʻdâd ve kâbiliyetleri anlaşılmak için iki ay staj göreceklerdir. İtalya Salîb-i Ahmeri leylî tâlibâtın masârıfına medâr olmak üzere mektebe senede dört bin frank verecekdir.