HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 73 3664 İCTİMÂʻÎ HIFZISSIHHA -46- Sağ ve Hasta İnsânlara Bir Nazar Cemʻiyet-i beşeriyeyi teşkîl eden insânlar sıhhî, ictimâʻî nokta-i nazardan tedkîke şâyân birer enmûzec addolundukları takdîrde ol kadar ehemmiyet kesb ederler ki, burada kısmen bu tiplerin eş- kâlinden bahsetmek fâideden hâlî değildir. Rahm-i mâderde neşv ü nemâya başlayan cenînin sıhhat ü âfiyeti doğrudan doğruya ebeveyni- nin şerâit-i hıfzıssıhhasına tâbiʻdir. Ebeveyn bilerek veya bilmeyerek kendi yavrularının âkıbetinden mesʼûl olmaları îcâb eder. Doğan ve büyümeğe başlayan bir bebeğin de sıhhat ü âfiyet ile alâkası olamaz. İster sıhhatde ve isterse hasta olsun, o sâdece vezâif-i fizyolojiyesi ile meşgûldür. Âfiyet- den inhirâfı ve hastalıkla musâbiyetini ancak rûhunda ve hissiyâtındaki bazı gûnâ tahavvüller ile muhîtine ifşâ edebilir ise de bazen en müdekkik ebeveyn bile bu husûsda bigâne kalabilirler. Süt çocuklarının âfiyeti evvel emirde ve doğrudan doğruya ebeveynin ilm ü irfân ile mücehhez olmala- rına bağlıdır. Yavrularının râhatsızlığı dolayısıyla konu komşudan devâ dileyen ve öğüd bekleyen, yavrusunu sütnine, dadı ve lala gibi gelişi güzel yâd ellere tevdîʻ edip alâkasını zayıflatan ebeveyn fen ve ictimâʻiyât nokta-i nazarından mesʼûl ve mahkûm olmalıdırlar. Süt çocuklarının âfiyeti ile bir memleket dâhilindeki süt istihsâl edip piyasaya çıkaran müessese ve mandıraların ne derece âmil oldukları da tedkîke değer bir keyfiyet hâlindedir. Beş yaşına kadar olan oyun çocuklarının sıhhatleri ile de ebeveyn alâkadâr olacakdır. Bu çocuklar yaşları iktizâsı ev hâricinde ve kendi akrânları arasın- da yaşamak ve oynamak ile meşgûldürler. Bunların oynayacakları oyun ve oyuncakları hıfzıssıhha- nın kavâʻidi dâiresinde ayırmak ve seçmek pek mühim bir keyfiyetdir. Gûnâgûn müvellidü'l-maraz mikroplar ile bulaşmamalarına, ârızî kazâ ve cürûha maʻrûz kalmamalarına dikkat lâzımdır. Bundan mâʻadâ vakt ü zamânında lâzım gelen çiçek, kuşpalazı, tifo, al gömlek aşılarını yaptırmak vesâir sârî hastalıklardan muhâfaza ve vikâye etmek de ebeveynin borcudur. Oyun çocuklarını sokaklara başıboş bırakmamak, evde ebeveynin nezâreti altında bulundur- mak, mümkün olursa temiz, sıhhî park ve bâğçelerde dolaştırmak, [3] tevdîʻ edilecek mürebbiye ve dadıların ahvâl-i sıhhiyelerini tedkîk etmek pek mühim tedâbîr-i vâkıyeden sayılır. Çocuklar mektebe dâhil oldukdan sonra artık gündüzleri muʻayyen bir zamânda ebeveynin nezâret ve murâkabesinden mehcûr kalarak heyʼet-i taʻlîmiye ve idâre ile etıbbânın yed-i emânetine teslîm edilmiş olunur. [2] Yedinci Yıl Türkiye Hilâl-i Ahmer Mecmûʻası bu nüsha ile yedinci yılını idrâk edi- yor. Muhterem kârilerimizden görmekde olduğumuz teveccüh ve iltifâtlara ve makâlâtımızı iktibâs etmek sûretiyle mesâʻîmizi teşvîk eden matbûʻâtımıza bu münâsebetle şükrânlarımızı takdîm ederiz.