HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 73 3670 ne müsbet ve ne de menfiyyü'l-elektriği hâiz olmayıp da bî-taraf olacak olursa mütesâviyü'l-elektrik nokta PH'a tesâdüf eder. PH'ın hayât-ı kâbil olan hudûdu: PH 5 ve PH 9 PH 4'den aşağı hayât kâbil değildir. PH mesâili hayâtiyûnu bugün hakkıyla işgâl etmekdedir. Bunların halliyle hayâtın karışık dü- ğümünün bir ucu açılmak üzeredir. Bu mesʼeleyi ileride PH mesâilinden bahsederken uzun uzadıya mütâlaʻa edeceğiz… PH iyon nisbetlerini mâyiʻlerin hâmıziyet ve esâsiyet hâllerinin ölçülmeleri, seyyâl hayâtiyyü'l-elektrik mesâili ve radyum şuʻâʻâtının teʼsîrleri, mebhasü'l-hayâtda yeni yeni nûrlu ufuklar açmakdadır. Wood Campbelle, potasyumun cesîmî bir şuʻâʻ neşretdiğini kâbiliyet-i inşiʻâʻiyeyi hâiz maʻâ- dinden addedilmesi îcâb etdiğini iddiʻâ etdi. Bu iddiʻâ üzerine Çuvardr Meeker?, potasyumun uzviyet derûnunda gösterdiği faʻâliyet-i inşiʻâʻiyeyi taʻyîn için uğraşdı ve bu husûsda neşriyâtda bulundu. Elektrikî mukâvemetin sağlam ensice ile urlarda başka başka olduğu ve sağlam ensicenin mukâvemet-i elektrikiyesi yüksek olduğu hâlde marîz ensicede mukâvemet-i elektrikiyenin daha az bulunduğunu isbât etdiler ve bu sûretle kanserin kâbil-i teşhîs olup olmadığı için yeni yeni usûller ara- nılmakdadır. Osterhout'a nazaran mukâvemet-i elektrikiye hayâtdâr olan uzviyetlerde yüksek olduğu hâlde ölüm vetîresi tahaddüs etmeğe başlayınca tenâkus ediyor. Öldükden sonra mukâvemet vâsıl olduğu mikdârda sâbit kalıyor. Osterhout: "-Her zî-hayât mahlûkda hayât âmilleriyle ölüm âmilleri birlikde ve yekdiğerine müvâzî bir sûretde çalışır" diyor. Ölüm vetîresi daha beyze hâlinde iken başlar. 1924 senesinde [9] Shearer'in gösterdiği üzere 4 günlük bir piliçde 10 günlük bir piliçe nazaran faʻâliyet-i hayâtiye daha kuvvetlidir. Hayât doğmadan evvel bile yavaş yavaş sönmekdedir. Bugün yeni nazariyeler tecrübî mebhasü'l-hayât sâyesinde teessüs etmişdir. Son zamânlarda orseinler üzerinde yapılan tecrübeler, kurbağalarda yapılan hazaʻ-ı derakî tecrübeleri 1904 senesinde Kalke'nin? nakîʻiyyeler üzerinde yapdığı tecrübeler, hayâtın bazı uzviyâtda temdîdi kâbil olacağını göstermişdir. Voronoff aşıları, hayâta tazelik ve gençlik vermekdedir. Ölüm ve hayât mesâilini gerek mebhasü'l-hayât nokta-i nazarından ve gerek muhtelif ölümlerin insânlarda gösterdiği aksülameller- den boğulma, ihtikân, sulb netîcesi ölenlerin ihtisâsâtından ölüm ve hayât hakkında bugünün ilim ve fen cereyâ[nı]nın netîcelerinden bahsedeceğim. Doktor İsmail Kenan KAZÂLAR VE TAHAFFUZ ÇÂRELERİ Muʻâsır medeniyetin bir vasf-ı fârıkı da sürʻatdir. Sanâyiʻ-i inşâiyede, taʻmîrhânelerde, fabrika- larda, destgâhlarda olduğu gibi câdde ve sokakda da saʻy ü amel gitdikçe sürʻati artan tehlikeli maki- ne çarhlarına tevdîʻ edildiğinden her gün bir kazânın kurbânı olmak tehlikesine maʻrûz bulunuyoruz.