HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 73 3698 bayrağı sallansın. Halk elinden gelen her türlü yardımı îfâ edebilsin. Halk bilmez, fakat ona anlatmak, irşâd etmek ellerimizdedir. Yarının işini bugünden yapmağa mecbûruz. Bunun için bütün münevver- lerimizden bunu istemek, sabırsızlıkla beklemek hakkımızdır. R. S." *** Varlık Muharririmizin bu talebi hakîkaten mühimdir. Âtînin en sıkıntılı günlerinde vezâif-i insâniyeyi yapacak olan Hilâl-i Ahmer Cemʻiyeti'nin her nâhiyede bile bir teşkîlâtı olmalıdır. Hilâl-i Ahmer'in teşekkülünden beri memlekete îfâ edegeldiği, büyük yardımlar dâimâ göz önündedir. Bunun için münevver zümrenin bu hayırlı teşebbüse ibtidâr ederek vazîfelerini yapmalarını ricâ etmek şarkın emekdâr gazetesi olan Varlık 'ın hakkıdır. Hilâl-i Ahmer Nizâmnâmesi , Ahz-ı Asker şuʻabâtında ve sıhhî teşkîlâtda vardır. [Nizâmnâme] bulunmadığı takdîrde gazetemiz bu hayırlı işe âid teşebbüslerde elinden geldiği kadar muʻâvenet ve muzâheretde bulunacakdır. Netîceyi sabırsızlıkla bekliyoruz. Hilâl-i Ahmer Mecmûʻası Senelik abone bedeli bir liradır. Her merkez ve şuʻbede abone kaydolunur ve doğruca Mecmûʻa Müdüriyeti'ne de mürâcaʻat edilebilir. SALÎB-İ AHMERLER HAVÂDİSİ Arjantin Propaganda Risâlesi Salîb-i Ahmer mefkûresini bütün memleket halkına tanıtmak ve cemʻiyetin bi'l-cümle mesâʻî ve icrââtında halkın mazhar-ı teveccüh ve himâyesi olmak gâyesiyle Arjantin Salîb-i Ahmeri, faʻâli- yetini ve istihdâf etdiği gâyeyi bir propaganda risâlesiyle neşr u taʻmîm etmişdir. Bu risâlede Arjantin Salîb-i Ahmeri vezâif-i esâsiyesinden addetdiği sulh zamânına âid mesâʻîsi hakkında bilhâssa maʻlûmât iʻtâsına ehemmiyet vermişdir. Cemʻiyetin sulh faʻâliyeti programı da şudur: 1-Salîb-i Ahmer teşkîlâtını teşvîk etmek ve bütün merâkiz ve şuʻabâtın terakkî ve inkişâfına zahîr olmak 2-İntânî hastalıklara karşı mücâdele ve sıhhati emrâzdan vikâye 3-Verem, emrâz-ı zühreviye ve sıtma mücâdeleleri için dispanserler, muʻâyene merkezleri teʼsîs ve küşâdı, ziyâretçi hastabakıcı teşkîlâtı ve emrâz-ı mezkûrenin ırka yapdığı teʼsîrât-ı muhribe hakkında halkın tenvîri