HİLÂL-İ AHMER MECMÛʻALARI / CİLT 8

3715 Yedinci Sene [20] Rebîʻulâhir sene 1346 / 15 Teşrîn-i Evvel 1927 Numara 74 Makâlât ve İʻlânât, Mecmûʻa Müdüriyeti'ne Gönderilmelidir. TÜRKİYE HİLÂL-İ AHMER MECMÛʻASI Derc Edilmeyen Evrâk ve Makâlât İʻâde Edilmez. Her Ayın On Beşinde Neşrolunur. Senelik abonesi bir liradır. Merciʻi: Yerebatan Câddesi'nde Hilâl-i Ahmer Merkezi. Telefon: İstanbul 2653 Mündericât: İctimâʻî Hıfzıssıhha – Hayât ve Ölüm Nedir? – Gürültüye Harb – Halka Birkaç Nasîhat – İnsânlara ve Meskenlere Musallat Olan Tufeylî Hayvânlar – Âfât ve Mesâib-i Umûmiyeye Âid Bir İstatistik – Hilâl-i Ahmer Havâdisi – Salîb-i Ahmer Havâdisi – Fransızca Kısmı – İngilizce Kısmı İCTİMÂʻÎ HIFZISSIHHA -47- Vücûdun Vazʻiyet ve Duruşu Hemen her memleketde tenâsüb-i endâm ve zarâfet husûsâtı ehemmiyet kesb edeliden beri vücûd ve iskeletin şekil ve vazʻiyetine, kâimî duruşuna da güzellik hıfzıssıhhası nokta-i nazarından hattâ haddinden fazla ehemmiyet verilmeğe başlanmışdır, denilebilir. Bugünün bu iş ile uğraşan mütehassısları beşikdeki süt çocuğundan mekteb ve dârülfünûnlarda tahsîl eden bütün gençlere kadar sırf bu mesâil ile müteveggıldir desek hakîkati iʻtirâf etmiş oluruz. Fi'l-hakîka beşik ve salıncaklarda neşv ü nemâ bulan süt çocukları ile gelişi güzel el ve kucak- larda dolaşan bebeklerde vücûdun arzu edilen şekil ve duruşu elde edilemez. Bilhâssa eski usûlde kundağa sım sıkı sarılmış hareket ve hürriyetinden mahrûm bebeklerin büyüdükleri zamân acîb şekil ve vazʻiyetlerde meydâna çıkdıkları görülür. Bu işe bir de kemik hastalığı, raşitizm karışdığı takdîr- de yeni yetişen neslin bir uʻcûbe-i hilkat olmayacağını kimse iddiʻâ edemez. Maʻamâfîh bu şekilde kazanılan sû-i eşkâl ve vazʻiyât bilâhare mekteb çağında verilecek bedenî terbiye ve mümâreseler ile pek güzel ıslâh ve taʻmîr de olunabilir. Vücûdun biçimsiz şekil ve vazʻiyetleri asıl mekteb hayât ve çağında teşekkül ediyor. Bilhâssa gelişi güzel mekteb sıra ve rahlelerinde yetişen ve eski usûl bir şilteli mahalle mekteblerinde okuyan çocuklar çok kere bütün hayât müddetince taşınan sû-i eşkâl sâhibi olmakdadırlar. Bundan mâʻadâ biz mekteb çocuklarına hıfzıssıhhaya muvâfık sıralarda nasıl oturtulacağını da öğretdirmek mecbûriyetindeyiz. Birçok çocukların iskemle ve sıralarda gelişi güzel oturdukları vücûdlarını yana, öne nasıl olursa olsun eğdikleri görülmekdedir. Bilhâssa uzun mütâlaʻa ve kırâat zamânlarında bu husûsâta pek ziyâde dikkat [44] edilmek lâzımdır. Mekâtib hıfzıssıhhasında sıra ve