HİLÂL-İ AHMER MECMÛʻALARI / CİLT 8

3363 Altıncı Sene 14 Şevvâl sene 1345 / 15 Nisan 1927 Numara 68 Makâlât ve İʻlânât, Mecmûʻa Müdüriyeti'ne Gönderilmelidir. TÜRKİYE HİLÂL-İ AHMER MECMÛʻASI Derc Edilmeyen Evrâk ve Makâlât İʻâde Edilmez. Her Ayın On Beşinde Neşrolunur. Senelik abonesi bir liradır. Merciʻi: Yerebatan Câddesi'nde Hilâl-i Ahmer Merkezi. Telefon: İstanbul 2653 Mündericât: Abonelerimizden Ricâ – İctimâʻî Hıfzıssıhha – Aʻmâların Vazʻiyet-i İctimâʻiyesi – Bern'de İctimâʻ eden Beynelmilel Salîb-i Ahmer Husûsî Konferansına Âid Rapor – İngiliz Salîb-i Ahmeri'nin Nakl-i Dem Ameliyesi Şuʻbe-i İdâriyesi – Sinekleri İtlâf Ediniz! – Hilâl-i Ahmer Havâdisi – Salîb-i Ahmerler Havâdisi – Muktebesât – Fransızca Kısmı – İngilizce Kısmı İCTİMÂʻÎ HIFZISSIHHA -41- Vebâdan Tahaffuz Ara sıra ve bilhâssa bazı mevsimlerde ana ocağı olan Hindistan'dan hareket ve uzun mesâfeler katʻ ederek memleketimize misâfir gelen fakat yapılan şedîd teyakkuz ve mücâdele ile pek az zamân- da defʻ olup giden vebâ hastalığı son günlerde oldukça bir mühim mesʼele-i sıhhiye ve ictimâʻiye hâlini almışdır, diyebiliriz. Fi'l-hakîka ecdâdın "kara ölüm" nâmıyla yâd etdikleri bu benâm ve müd- hiş hastalık ülkemize olan seyr u seferi esnâsında ekseriyetle Süveyş Kanalı'nı geçer, İskenderiye'ye uğrar ve Pire'den atlayarak Çanakkale'ye vâsıl olur ve bu târîhî boğazı da gizlice aşarak İstanbul limanına muvâsalat ederdi. Bu düşman misâfirin gelip geçeceği yollar esâsen maʻlûm ve müstahdem olduğu cihetle ansızın muvâsalatı ile müdhiş emr-i vâkiʻler yapmasına meydân bırakmaz ve bir-iki kurbândan sonra defʻ ve imhâsına gayret edilmiş olur idi. Fakat son aylarda zuhûra gelen vekâyiʻi na- zar-ı dikkate alırsak, bu felâketli marazın her nedense müsâferetini temdîd ve hattâ [298] İstanbul'da mukîm olduğunu iddiʻâ edecek olanlar görülecekdir. ABONELERİMİZDEN RİCÂ Abone müddetleri hitâm bulan kârîlerimizden abone bedellerinin doğrudan doğruya İstanbul'da Hilâl-i Ahmer Mecmûʻâsı Müdüriye- ti'ne göndermeleri ricâ olunur.