HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 68 3370 olmak için aʻmâların ihtiyâr etdikleri fazla masraf ve mesâʻî nazar-ı ehemmiyete alınarak her türlü tekâlîf ve rüsûmdan afv ve istisnâlarını, yazılarının vüsʻat ve hacmi nokta-i nazarından mektûblarının asgarî posta ücretine tâbiʻ tutulmasını, her türlü vesâit-i nakliyede ve tiyatrolarda kendilerine refâkat eden şahıs ile kendilerinden yalnız bir kişilik ücret taleb edilmesini teklîf etmekdedir. [305] BERN'DE İCTİMÂʻ EDEN BEYNELMİLEL SALÎB-İ AHMER HUSÛSÎ KONFERANSI Beynelmilel Salîb-i Ahmer Cenevre Merkezi ile Lig nâmını alan Salîb-i Ahmer Cemʻiyetleri İttihâdı'nın vezâifi arasında vukûʻa gelen tedâhülü refʻ u izâle için 16, 17 ve 18 Teşrîn-i Sânî 1926 târîhinde Bern'de inʻikâd eden husûsî konferansda Hükûmet-i Cumhûriyemizle Hilâl-i Ahmer Cemʻi- yeti'ni temsîlen Bern Sefîri Münir Beyefendi ve merkez-i umûmî aʻzâsından İstanbul Mebʻûs-ı muh- teremi Doktor Hakkı Şinasi Paşa murahhas intihâb edilmişlerdi. Murahhaslarımızın işbu konferans mesâʻîsine âid merkez-i umûmîye takdîm etdikleri raporu aynen aşağıya derc ediyoruz: "-1863 senesinden beri sarf etdiği faʻâliyet semeresi olarak evvel emirde 1864 târîhli Cenevre Muʻâhedenâmesi'nin ve muahharan 1867 ve 1906 târîhli Cenevre ve 1899 ve 1907 târîhli Lahey Mukâvelenâmelerinin vücûda getirilmesinde mühim âmil olan ve mesâʻîsi on iki Beynelmilel Salîb-i Ahmer konferanslarınca takdîr edilen Cenevre Beynelmilel Salîb-i Ahmer Komitesi (Comité Interna- tionalee de la Croix-Rouge) istiklâlini ve bî-taraflığını tamâmıyla muhâfaza etmekle berâber Salîb-i Ahmerler arasında bir vâsıta-i temâs teşkîl edegelmişdir. Harb-i Umûmî esnâsında Salîb-i Ahmer Cemʻiyetlerinin vezâifi ve sermâyeleri gereği gibi tezâyüd etmiş olmasına ve harbin mesâibi mütâ- reke akdinden sonra dahi emrâz-ı müstevliye, muhâceret vesâire gibi gûnâgûn eşkâlde temâdî ve teksîr etmesine mebnî bazı Salîb-i Ahmer Cemʻiyetleri faʻâliyet lüzûmunu hissetmişler ve bu husûsda Amerika Salîb-i Ahmerleri Meclis-i Harb Reîsi Davidson'un delâletiyle 1919 senesinde Amerika, İn- giltere, Fransa, İtalya, Japon Salîb-i Ahmerleri arasında bir lig teʼsîs olunmuşdur. Târîh-i mezkûrdan iʻtibâren Türkiye, Rusya, Afganistan gibi bir-iki memleket müstesnâ olmak üzere birçok memleketler Salîb-i Ahmerleri bu ittihâda dâhil olmuşlardır. Beynelmilel Salîb-i Ahmer Komitesi dahi mütârekeyi müteʻâkib insânî bazı sâhalarda ibrâz-ı faʻâliyetden hâlî kalmamak ve ale'l-husûs hâiz bulunduğu istiklâl-i tâmma binâen kendisine muhtelif memleketlerden mürâcaʻât vukûʻa geldikçe lüzûm gördüğü ahvâlde müdâhale ve vesâitden çekin- memiş olduğundan bu komitenin vezâifi ile ligin vezâifi beyninde tedâhül vukûʻa gelmiş ve diğer tarafdan lige mensûb Anglo-Sakson cemʻiyetleri Cenevre Komitesi'nin vücûdunu kaldırarak lig mec- lisini onun yerine ikâme etmek meylini ızhâr eylemeleri ile iki müessese arasında mühim bir rekâbet başgöstermişdi. 1921 târîhinde (30 Mayıs – 7 Nisan) Cenevre'de inʻikâd eden Onuncu Beynelmilel Salîb-i Ah- mer Konferansı iki müessese arasındaki münâsebâta temâs ederek bir sene müddetle muvakkat bir iʼtilâfnâme vücûda getirmiş ve bu iʼtilâfnâme mûcebince bir muhtelit komisyon dahi teşkîl kılınmış ise de mesâʻîsi temâdî edememişdir. 1923 senesinde (28 Ağustos – 1 Eylül) yine Cenevre'de inʻikâd eden On Birinci Salîb-i Ah- mer Konferansı teşkîlât mesʼelesi ile daha ciddî sûretde iştigâl ederek bir etüd komisyonu teşkîline karâr vermişdir. Bu komisyon İsveç Velîʻahdı Prens Charles'ın riyâsetinde Comité Internationale'in ve Lig Kitâbet-i Umûmiyesi'nin birer murahhasıyla konferans tarafından intihâb olunan muhtelif millî Salîb-i Ahmer Cemʻiyetlerine mensûb diğer →