HİLÂL-İ AHMER MECMÛʻALARI / CİLT 8

Türkiye Hilâl-i Ahmer Mecmû‘ası Sayı 75 3807 Lekeli tifo - - - - Nezle-i müstevliye (influenza) - - - - Yılancık - 1 - 1 Nisâî (kadın) hastalıkları - 15 - 15 Sâir hastalıklar 22 17 10 49 Hâricî hastalıklar 10 13 12 35 Yekûn 95 119 66 280 SALÎB-İ AHMERLER HAVÂDİSİ Amerika Filistin Hareketzedegânına Muʻâvenet Amerika Salîb-i Ahmeri 11 Temmuz'da Filistin'de vukûʻ bulan hareket-i arz felâketzedelerine 5.000 dolar teberruʻ etmişdir. Bu meblağ Kudüs fevkalâde komiserinin riyâset etdiği komisyon em- rine verilmişdir. Filipin Adaları Cüzâma Karşı Mücâdele Filipin Adaları Sıhhiye İdâresi, cüzâma karşı şiddetle mücâdeleye geçmeğe karâr vermişdir. Mücâdeleye iştirâk edecek Amerika Salîb-i Ahmeri'nin Filipin şuʻbesi kendi hastabakıcılarını mekteb çocuklarında marazın ilk aʻrâzını meydâna çıkarmağa meʼmûr etmişdir. Bu sûretle hastalığın henüz bidâyetinde iken önüne geçileceği ümîd ediliyor. Yeni Zelanda Mekteb Çocuklarına Sıcak Yemek Wellington şehrinin en fakîr mahallelerinde gayr-ı kâfi gıdâ alan çocuklara Yeni Zelanda Salîb-i Ahmeri'nin muʻâvenet arzusu Sıhhiye ve Muʻâvenât-ı İctimâʻiye İdâreleri tarafından mazhar-ı tasvîb olmuşdur. [118] Teberruʻ sûretiyle birçok tüccâr-ı sebzevât ve diğer bazı ashâb-ı yesâr da çatal, bıçak ve tabak gibi sofra levâzımı iʻtâsını derʻuhde etmişlerdir. *** Salîb-i Ahmer ve Müessesât-ı Hayriye Telefon Ücretleri Amerika'nın hemen bütün kazâlarında mahallî telefon idâreleri cemʻiyât ve müessesât-ı hayri- yeye ücret-i mükâlemeden tenzîlât yapmakdadırlar.